الماتىلىق جاس جىگىت كوروناۆيرۋس جۇقتىرعان ناۋقاستارعا مۋزىكالىق تەراپيا ۇيىمداستىرۋدا
اۋرۋحانادا وعان «ديماش» دەگەن لاقاپ ات قويعان. جاس سانيتار ناۋقاستارعا ءجيى-ءجيى ءان سالىپ بەرەدى، دەپ حابارلايدى قازاقپارات ءتىلشىسى.
باقىتبەك ءامىرحان كارانتينگە دەيىن مەيرامحانالاردا ءان ايتىپ، اكتەرلىك شەبەرلىك بويىنشا ساباق بەرگەن. ەلدەگى كارانتين رەجىمىنە بايلانىستى ول جۇمىسسىز قالدى. سودان كەيىن، كوروناۆيرۋسقا شالدىققان ناۋقاستاردى ەمدەيتىن اۋرۋحاناعا ۆولونتەر رەتىندە جۇمىسقا ورنالاستى.
«اۋرۋحاناعا ۆولونتەر رەتىندە جۇمىس ىستەۋ تۋرالى شەشىم قابىلدادىم. اتا- انام بۇل تۋرالى ءبىر ايدان كەيىن ءبىلدى، سەبەبى ، وتباسىمنىڭ مەن ءۇشىن الاڭداعانىن قالامادىم. گوسپيتالدا جۇمىس ىستەپ ءجۇرىپ مەن كوپتەگەن مەديتسينالىق داعدىلاردى ۇيرەنىپ قانا قويماي، ءومىردى، تۋىستارىمدى قادىرلەۋدى ءارى باعالاۋدى ۇيرەندىم»، - دەيدى الماتى تۇرعىنى.
جۇمىس بارىسىندا جاس سانيتار ناۋقاستاردى ءوز ونەرىمەن ءتانتى ەتتى.
«مەن كوپتەگەن ناۋقاستارمەن بىردەن ءتىل تابىسىپ كەتتىم. پالاتالارىنا كەلگەنىمدە قاتتى قۋانادى. ولارعا ەكى تىلدە ولەڭ وقىپ بەرەم. مەنىڭ اندەرىم ولاردى شابىتتاندىرادى جانە رۋحتارىن كوتەرەدى»، - دەپ ءبولىستى ءامىرحان.
كارانتين اياقتالعاننان كەيىن جاس جىگىت شىعارماشىلىعىن شىڭداۋدى جوسپارلاپ وتىر.
«مەن شەتەلدىك ءان بايقاۋلارىنا قاتىسۋدى ارماندايمىن. سونداي-اق، دارىندى بالالاردى وقىتاتىن مەكتەپ اشقىم كەلەدى» - دەپ ءسوزىن اياقتادى باقىتبەك ءامىرحان.
