الماتىدا جول اپاتىنان قازاقستاندىق بالۋاندار قايتىس بولدى
ەركىن كۇرەس شەبەرلەرى - جاقسىبەك كارابالايەۆ، ىلياس جۇماي، جانبوتا بايبازار الماتى- تاراز تاسجولىندا بولعان جول اپاتىندا قايتىس بولدى. قايعىلى حابار ق ر گرەك-ريم، ەركىن جانە ايەلدەر كۇرەسى فەدەراتسياسىنىڭ Instagram- داعى رەسمي اككاۋنتىندا جاريالاندى.
«قارالى حابار قابىرعامىزدى قايىستىردى... بەيبىت زاماندا جاس، بولاشاعىنان ءۇمىت كۇتتىرەتىن بالۋاندارىمىزدان ايىرىلىپ قالامىز دەپ كىم ويلاعان... بالۋاندارىمىزدىڭ مەزگىلسىز دۇنيەدەن وتۋىنە بايلانىستى ەلىمىزدىڭ بارشا كۇرەس جانكۇيەرلەرىنە، مارقۇم بولعان بالالاردىڭ وتباسىنا، تۋعان- تۋىستارىنا، جورا- جولداستارىنا قايعىرىپ كوڭىل ايتامىز. جاندارىڭىز جانناتتا بولسىن!!!»، - دەدى ق ر گرەك-ريم، ەركىن جانە ايەلدەر كۇرەسى فەدەراتسياسىنان.
ناقتىراق ايتساق، كۇنى كەشە ءبىر توپ (بەس جىگىت) ەركىن كۇرەس بالۋاندارى جول اپاتىنا ءتۇسىپ، جاقسىبەك كارابالايەۆ پەن جانبوتا بايبازار وقيعا ۇستىندە كوز جۇمدى. ال اۋىر حالدە اۋرۋحاناعا تۇسكەن ءىلياس جۇماي بۇگىن قايتىس بولدى دەگەن تاعى بىر سۋىق حابار جەتتى. زاۋىتبەك نۇرداۋلەت پەن شىڭعىسحان مۇحامەتقاليەۆ جانساقتاۋ بولىمىندە جاتىر.