دەپارتامەنت باسشىسى جەمقورلىق ارەكەتكە بارۋدىڭ سەبەبىن ءتۇسىندىردى
«سوڭعى 4-5 جىلدا كوپتەگەن مينيسترلەر مەن باسقا دا لاۋازىمدى تۇلعالار كوپ مولشەردە اقشا جىمقىرعانى ءۇشىن سوتتالىپ جاتىر. كەيىنگى كەزدە الدىن الۋ دەپارتامەنتى اشىلعاننان كەيىن الدىن الا ءتۇسىندىرۋ جۇمىستارىنىڭ ناتيجەسىندە مۇنداي قىلمىس ءتۇرى ازايعان سياقتى. دەگەنمەن ۇكىمەتتىڭ قاراجاتىنا قول سالعىسى كەلەتىن اشكوز جەمقورلار ءالى دە جەتەرلىك. ءبىز ولار بويىنشا جەدەل جۇمىس جۇرگىزىپ جاتىرمىز جاتىرمىز»، - دەيدى سىبايلاس جەمقورلىققا قارسى ءىس- قيمىل اگەنتتىگىنىڭ نۇر-سۇلتان قالاسى بويىنشا دەپارتامەنتى باسشىسى نۇرلان قىدىربايەۆ.
ونىڭ ايتۋىنشا، بەس جىل بۇرىنعى كەزەڭمەن سالىستىرعاندا جەمقورلار سانى ازايعان.
«بيىل جەمقورلىق بويىنشا باسقا وبلىس اكىمدەرى، ولاردىڭ ورىنباسارلارىنا قاتىستى قىلمىستىق ءىس تىركەلىپ جاتىر. پرەزيدەنت ءبىزدى سولارمەن جۇمىس ىستەۋىمىز ءۇشىن تاعايىندادى. وسى باعىت بويىنشا جۇمىس ىستەۋىمىز كەرەك. بارلىق دەپارتامەنت باسشىلارى مەكتەپتەرگە بارىپ جۇمىس جۇرگىزدى. ءوزىم دە ءۇش مەكتەپكە، ۋنيۆەرسيتەتتەرگە بارىپ، ءتۇسىندىرۋ جۇمىستارىن جۇرگىزدىم. ەگەر مەكتەپتەن باستاپ وسىنداي جۇمىس جۇرگىزەتىن بولساق - قىلمىس ازايادى. كوبى قىلمىستىق كودەكستىڭ نە ەكەنىن، قىلمىس جاساۋدىڭ سالدارى نە بولاتىنىن بىلمەيدى»، - دەيدى ول.
اۆتور: زارينا قاھارمان