ديماش قۇدايبەرگەن الماتىدى ءوزى بەينەلەنگەن مۋرالعا قاتىستى ويىن ءبىلدىردى

None
None
الماتى. قازاقپارات - تانىمال ءانشى ديماش قۇدايبەرگەن الماتىدا كوپقاباتتى ءۇيدىڭ قابىرعاسىنا سۋرەتىن سالعان ادامدارعا العىس ايتتى، دەپ حابارلايدى قازاقپارات ءتىلشىسى.

ءانشى ءوزىنىڭ Instagram - داعى پاراقشاسىندا جەرلەستەرىنىڭ «سىيلىعى» وزىنە قاتتى ۇناعانىن، ولارعا ىشتەي راحمەت ايتقانىن جازدى.

«الماتى قالاسىندا قابانباي باتىر مەن ساكەن سەيفۋللين كوشەلەرى قيىلىسىندا وسىنداي كەرەمەت مۋرال سالىنىپتى. جەرلەستەردىڭ «سىيلىعىن» كورگەندە ىشتەي العىسىمدى ءبىلدىردىم. الايدا، ديماش قونايەۆتاي ۇلى تۇلعالارىمىز تۇرعاندا جاس بۋىن وكىلى ءوزىنىڭ الىپ سۋرەتى جايلى جار سالعانى ۇيات بولار دەدىم دە، ۇندەمەدىم. قازىرگى تاڭدا، وسىنشا قيىن جۇمىسقا ەڭبەگى كەتكەن ازاماتتارعا العىس ايتۋدى ءجون كورىپ وتىرمىن. قادىرلى سۋرەتشىلەر، قولدارىڭىز دەرت كورمەسىن، تۋىندىلارىڭىز جەر شارىن شارلاپ، قازاقتىڭ اتىن بيىككە كوتەرسىن. جانە بارشا قولداۋشىلارىما شىن جۇرەكتەن العىس بىلدىرەمىن. ۇلكەن راحمەت!»، - دەپ جازدى ديماش قۇدايبەرگەن.

ايتا كەتەيىك، ديماش قۇدايبەرگەن بەينەلەنگەن الىپ كارتينا قابانباي باتىر مەن سەيفۋللين كوشەلەرىنىڭ قيلىسىندا ورنالاسقان ۇيلەردىڭ ءبىرىنىڭ قابىرعاسىنا ماۋسىم ايىندا پايدا بولدى.



سوڭعى جاڭالىقتار