+7 (701) 759 90 19
16 °С : نۇر-سۇلتان
14 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

اسحات ايماعامبەتوۆ جاڭا وقۋ جىلى تۋراسىندا: ءتيىستى قۇجاتتاردى دايىندادىق

4 تامىز 11:40
:ءبولىسۋ
اسحات ايماعامبەتوۆ جاڭا وقۋ جىلى تۋراسىندا: ءتيىستى قۇجاتتاردى دايىندادىق

نۇر-سۇلتان. قازاقپارات - ءبىلىم جانە عىلىم ءمينيسترى اسحات ايماعامبەتوۆ جاڭا وقۋ جىلىندا قاشىقتان ءبىلىم بەرۋ جۇيەسىنە مۇعالىمدەردىڭ دايىندىعى تۋرالى ايتتى، دەپ حابارلايدى قازاقپارات ءتىلشىسى.

«وقۋ جىلىن باستاۋ ءۇشىن قاجەتتى نورماتيۆتىك - مەتودولوگيالىق قۇجاتتاردى قابىلداۋ ماڭىزدى. ءتيىستى قۇجاتتاردىڭ بارلىعىن دايىندادىق. قاشىقتان وقىتۋ تەحنولوگيالارىن قولدانۋ جانە وقىتۋ فورماتتارى بويىنشا ەگجەي- تەگجەيلى ءارى قادامدىق نۇسقاۋلىقتار ازىرلەندى. دەنساۋلىق ساقتاۋ مينيسترلىگىمەن بىرلەسىپ، ءبىلىم بەرۋ ۇيىمدارىنىڭ قىزمەتىن جۇرگىزۋدىڭ سانيتارلىق تالاپتارى دا ازىرلەندى»، - دەدى مينيستر ۇكىمەت وتىرىسىندا.

ونىڭ سوزىنە قاراعاندا، قاشىقتان وقىتۋ كەزىندە وقۋ پروتسەسىنىڭ پرينتسيپتەرى مەن تەحنولوگيالارى سايكەسىنشە وزگەرەدى. وسىعان بايلانىستى ءتورتىنشى توقسان تاجىريبەسىن ەسكەرىپ، باعالاۋ نورمالارىن، وقىتۋ ادىستەمەسىن وزگەرتۋ جانە كەرى بايلانىستى جۇزەگە اسىرۋ بويىنشا دا ءبىرقاتار جۇمىس جۇرگىزىلدى.

شىلدە ايىنان باستاپ وبلىستىق ءبىلىم باسقارمالارىمەن، اۋداندىق، قالالىق بولىمدەرمەن جانە ادىستەمەلىك كابينەتتەرمەن قاشىقتان وقىتۋ جۇيەسىنىڭ نەگىزگى باعىتتارىن ءتۇسىندىرۋ، سانيتارلىق- ەپيدەميولوگيالىق جاعدايعا بايلانىستى ءارتۇرلى فورماتقا كوشۋ بويىنشا كۇندەلىكتى ۆەبينارلار وتكىزىلىپ كەلەدى. جەكە كەستە بويىنشا بارلىق 7 مىڭنان اسا قازاقستاندىق مەكتەپ ديرەكتورىنا، ولاردىڭ 12 مىڭداي ورىنباسارىنا جانە 2 مىڭعا جۋىق ادىسكەرگە قاشىقتان وقىتۋدى ۇيىمداستىرۋ بويىنشا ءتۇسىندىرۋ سەمينارلارى وتكىزىلدى. بۇل جۇمىس ءالى جالعاسادى.

«ەلىمىزدىڭ بارلىق مۇعالىمدەرى ءۇشىن جەكە گرافيكپەن بىلىكتىلىكتى ارتتىرۋ كۋرستارىن باستادىق. وعان 100 پايىز مۇعالىم قامتىلاتىن بولادى»، - دەدى ا. ايماعامبەتوۆ.

بۇدان بۇرىن حابارلانعانداي، مينيستر باستاۋىش سىنىپ وقۋشىلارى ءۇشىن كەزەكشى سىنىپتار اشىلاتىنىن ايتتى. سونىمەن قاتار، جاڭا وقۋ جىلىندا كوللەدج ستۋدەنتتەرىنىڭ ءبىلىم الۋ ءتارتىبىن ءتۇسىندىردى.

اۆتور: رۋسلان عابباسوۆ


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات