جاڭا وقۋ جىلى: تەلەساباقتار قاي تەلەارنالاردان كورسەتىلەدى

نۇر-سۇلتان. قازاقپارات - تەلەديدار ارىلى ساباقتار «ءال- فارابي» مەن «ەل- ارنا» تەلەارنالارىنان كورسەتىلەدى.

بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.

«كوكتەمدەگى تاجىربيەگە سايكەس ءبىز تەلەساباقتاردى دا ازىرلەۋدەمىز. تەلەساباقتار وتە قولجەتىمدى قۇرال. بارلىعى 6 مىڭنان استام تەلەساباق تۇسىرىلۋدە. تەلەديدار ساباقتارى «ءال- فارابي» مەن «ەل- ارنا» ارنالارىندا كورسەتىلەدى. كەم دەگەندە ءارقايسىسىندا 9 ساعاتتان ەفير بەرىلدى. وعان قوسا بارلىق تەلەساباقتار ينتەرنەتتە ورنالاستىرىلىپ، وقۋشىلار ءۇشىن تەگىن ءارى قولجەتىمدى بولادى»، - دەدى مينيستر ۇكىمەت وتىرىسىندا.

ونىڭ سوزىنە قاراعاندا، قازىر اقپارات جانە قوعامدىق دامۋ مينيسترلىگىمەن، اكىمدىكتەرمەن بىرلەسىپ وسى ارنالارمەن قامتىلۋ كارتاسى دايىندالدى. سونىڭ نەگىزىندە 604 ەلدىمەكەندە وسى كانالدارعا قول جەتپەيتىنى انىقتالدى، ءبىراق ونىڭ 314 ىندە عانا وقۋشى بار.

بۇل ماسەلە جەرگىلىكتى تەلەارنالارعا رەترانسلياتسيالاۋ، سپۋتنيكتىك انتەننالار ورناتۋ ارقىلى شەشىلەدى.

سونىمەن قاتار ول وقۋلىقتارمەن قامتاماسىز ەتۋگە قاتىستى جۇمىس جۇرگىزىلىپ جاتقانىن ايتتى. وقۋلىقتاردىڭ ەلەكتروندىق نۇسقاسى وقۋشىلار مەن مۇعالىمدەرگە QR- كودتار ارقىلى قولجەتىمدى بولادى. بۇدان بۇرىن حابارلانعانداي، مينيستر باستاۋىش سىنىپ وقۋشىلارى ءۇشىن كەزەكشى سىنىپتار اشىلاتىنىن ايتتى. سونىمەن قاتار، جاڭا وقۋ جىلىندا كوللەدج ستۋدەنتتەرىنىڭ ءبىلىم الۋ ءتارتىبى ءتۇسىندىرىلدى.