الەكسەي سوي: كوروناۆيرۋستىڭ رەپرودۋكتيۆتىك كورسەتكىشىنە قايتادان ەسەپتەۋ جۇرگىزىلەدى
بۇل تۋرالى ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.
«1- تامىزدان باستاپ ستاتيستيكانى ەسەپكە الۋ ءادىسىنىڭ وزگەرۋىنە بايلانىستى دەنساۋلىق ساقتاۋ مينيسترلىگى تامىز ايىنىڭ العاشقى 10 كۇنىنىڭ دەرەكتەرى نەگىزىندە رەپرودۋكتيۆتىك كورسەتكىشىنە قايتادان ەسەپتەۋ جۇرگىزەتىن بولادى. وڭىرلەردەگى احۋالدى ودان ارى باعالاۋدى جالعاستىرامىز. ماسكا تاعۋ تالابى ءىس جۇزىندە بارلىق قازاقستاندىققا قاتىستى بولدى»، - دەدى مينيستر.
وسى ورايدا ول ماسكا تاعۋ تيىمدىلىگىنە قاتىستى حالىقارالىق تاجىريبەگە ساراپتاما جۇرگىزىلگەندىگىن اتاپ ءوتتى.
«ماسكا تاعۋدىڭ مۋلتيپليكاتيۆتىك اسەرى 1 ايدان كەيىن ۆيرۋستىڭ رەپرودۋكتيۆتىلىك دەڭگەيىن 4 ەسە تومەندەتەدى. بۇعان دەيىن حابارلاعانىمىزداي، ماسكا تاققان ادامنىڭ ۆيرۋس جۇقتىرۋ مۇمكىندىگى 30 پايىزعا تومەن بولادى. سول سەبەپتى ونىڭ 1 ايدىڭ ىشىندە ۆيرۋس جۇقتىرۋ كورسەتكىشى 300 دەن 85 ادامعا دەيىن تومەندەيدى»، - دەدى الەكسەي سوي.
وسىعان دەيىن مينيستر كوروناۆيرۋس ينفەكتسياسىنىڭ تىركەلۋ جاعدايلارى 18 پايىزعا تومەندەگەندىگىن مالىمدەدى.