نۇر-سۇلتاندا مىڭنان اسا ادام قارجى پيراميداسىنىڭ قۇربانى بولدى

نۇر-سۇلتان. قازاقپارات - ەلوردادا «استانا راۋشان كاسسا اينالىمى» اتتى قارجى پيراميداسىنىڭ زاڭسىز قىزمەتىنىڭ جولى كەسىلدى.

بۇل تۋرالى قازاقپارات قارجى مونيتورينگى كوميتەتىنە سىلتەمە جاساپ حابارلايدى.

اتالمىش پيراميدا 2020-جىلدىڭ قاڭتار ايىندا ەلوردا تۇرعىنىمەن قۇرىلعان، ال ول الاياقتىقپەن جەكە تۇلعالاردىڭ قاراجاتىن يەمدەنىپ وتىرعان.

قۇرىلۋ ۋاقىتىنان باستاپ قارجى پيراميداسىنىڭ قۇرىعىنا مىڭنان استام قازاقستان رەسپۋبليكاسىنىڭ ازاماتى ءتۇستى.

قازىرگى تاڭدا اتالعان فاكت بويىنشا ق ر ق ك 217-ب. 2-ب. 4-ت. سايكەس سوتقا دەيىنگى تەرگەۋ ءىسى جۇرگىزىلۋدە (ءىرى مولشەردە اقشانى تارتا وتىرىپ، قارجىلىق پيراميدانى قۇرۋ جانە وعان باسشىلىق ەتۋ).

جوعارىدا كورسەتىلگەن قارجى پيراميداسىنىڭ زاڭسىز ارەكەتىنەن جاپا شەككەندەردى نۇر-سۇلتان قالاسى بويىنشا ەكونوميكالىق تەرگەۋ دەپارتامەنتىنە جۇگىنۋىن سۇرايمىز (جەلتوقسان كوشەسى، 43، ت ە ل 316145، ۇيالى ت ە ل 87012185318، 87018889316).