قوستاناي وبلىسىندا كەلىن ءتۇسىرىپ، قىز ۇزاتقاندارعا ايىپپۇل سالىندى

None
None
قوستاناي. قازاقپارات - قوستاناي وبلىسىندا كارانتين كەزىندە دەمالىس كۇندەرى ءموبيلدى توپتار رەيد جۇرگىزدى، دەپ حابارلايدى قازاقپارات.

5 - شىلدە مەن 2 - تامىز ارالىعىندا 2153 نىساندى تەكسەرىلگەن. ونىڭ ىشىندە 147 وبەكت سانيتارلىق- دەزينفەكتسيالىق رەجيمدى بۇزعان. ولارعا 7195020 تەڭگە سوماسىنا 147 ايىپپۇل سالىندى، 1 ءىس سوتقا جىبەرىلدى.

«دەپارتامەنتتىڭ جانە اۋماقتىق باسقارمالاردىڭ ماماندارى ءدارىحانالارعا دا مونيتورينگ جۇرگىزەدى. 128 نىسان تەكسەرىلىپ، 26 ءدارىحانا زاڭ بۇزعانى انىقتالدى. 4382295 تەڭگە بولاتىن 26 ايىپپۇل سالىندى. 95 ازىق- تۇلىك دۇكەنى، 5 جانارماي ستانساسى، 2 شاشتاراز، 2 تۇرمىستىق تەحنيكا دۇكەنى، 3 قوعامدىق كولىك، 3 شينا جوندەۋ پۋنكتى، 1 اسحانا، 3 كافە، 3 اۆتو جانە ا/ش قوسالقى بولشەكتەرى دۇكەنى,1 ت ق س كارانتين تالاپتارىن ساقتاماعان. ءجىتىقارا اۋدانىندا كارانتين بەلگىلەنگەن ۋاقىتتان بەرى «گۇلدەر» دۇكەنىنىڭ جۇمىس ىستەگەنى انىقتالدى» ، دەلىنگەن دەپارتامەنتتىڭ باسپا ءسوز حابارلاماسىندا.

سونىمەن قاتار ءا. جانگەلدين اۋدانىندا ءۇش اۋىلدىق وكرۋگتە قىز ۇزاتۋ، بەتاشار راسىمدەرى وتكىزىلگەن. جەكە تۇلعالارعا 41600 مولشەرىندە ايىپپۇل سالىندى. مونيتورينگ جۇمىستارى جالعاستىرىلۋدا.


سوڭعى جاڭالىقتار