الەمدەگى تۇڭعىش سۋ استى كەمەسى مۇراجايى اشىلدى
مۇراجاي «سۋعا باتقان كەمەلەردىڭ پارفەنونى» دەپ اتالادى. ساياحاتشىلار تەڭىزدىڭ 20 مەتر تەرەڭىندە ەجەلگى كەمەدەن الىنعان امفورالاردى (ەجەلگى گرەك قۇمىراسى) تاماشالاي الادى.
مۇراجاي اۋەسقوي درايۆەرلەر ءۇشىن 3 - تامىزدان 2 - قازانعا دەيىن اشىق. سۋ تۇبىندە ءجۇزۋدى بىلمەيتىندەر Alonisos اقپاراتتىق ورتالىعىندا ۆيرتۋالدى ەكسپوناتتارمەن تانىسا الادى. سۋعا باتقان كەمە حالكيديكي قالاسىنان (گرەتسيانىڭ سولتۇستىگىندە ورنالاسقان تۇبەك) سكوپەلوس ارالىنا مىڭداعان امفورا الىپ بارا جاتىپ اپاتقا ۇشىراعان. كەمە ب. ز. د. 425 -جىلى تەڭىزدەگى داۋىل كەزىندە باتىپ كەتتى دەگەن بولجام بار. ونى گرەك بالىقشىلارى 1985 -جىلى تاپقان.
مامانداردىڭ ايتۋىنشا، كەمە ءوز زامانىنداعى ەڭ ۇلكەن كەمەلەردىڭ ءبىرى بولعان. ول باتىپ كەتكەن كەزدە بورتىنداعى بارلىق قۇمىرالار زاقىمدانعان، ءبىراق ولاردى كەيىننەن ماماندار قايتا قالپىنا كەلتىرگەن.
گرەتسيا ۇكىمەتى تاعى 4 سۋ استى مۇراجايىن اشىپ، وسى ارقىلى شەتەلدەن كوبىرەك تۋريستەر تارتۋدى، پاندەميا كەزىندە قاتتى زارداپ شەككەن تۋريستىك يندۋستريانى قايتا قالپىنا كەلتىرۋدى جوسپارلاپ وتىر.
massaget.kz