انگليادا قارسىلاسىنا قاراپ ادەيى جوتەلگەن فۋتبولشى الاڭنان قۋىلادى

نۇر- سۇلتان. قازاقپارات - فۋتبولدان انگليا چەمپيوناتىنىڭ تورەشىلەرى قارسىلاسىنىڭ نەمەسە ماتچتىڭ رەسمي تۇلعاسىنا قاراپ ادەيى جوتەلگەن فۋتبولشىلاردى الاڭنان قۋادى، دەپ حابارلايدى قازاقپارات The Times باسىلىمىنا سىلتەمە جاساپ.

باسىلىمنىڭ مالىمەتى بويىنشا، انگليا فۋتبول اسسوتسياتسياسى كوروناۆيرۋسقا بايلانىستى شەكتەۋ ەنگىزىلگەن كەزدە ماتچ ۇيىمداستىرۋشىلارى مەن لاۋازىمدى تۇلعالارعا ارنالعان نۇسقاۋلىعى بار قۇجات دايىندادى. تارماقتاردىڭ بىرىندە قارسىلاسقا نەمەسە رەسمي تۇلعاعا ادەيى جوتەلگەنى ءۇشىن ويىنشىلار الاڭنان قۋىلاتىنى جازىلعان. ءبىراق تورەشىلەر گول سوققانىنا قۋانعان ويىنشىلار اراسىنداعى الەۋمەتتىك قاشىقتىقتىڭ ساقتالۋىنا جاۋاپ بەرمەيدى جانە الاڭدا تۇكىرگەنى ءۇشىن جازالامايدى. فۋتبولدان انگليا چەمپيوناتىنىڭ جاڭا ماۋسىمى 12 - قىركۇيەكتە باستالادى.