اكەسى ۇلىمەن بىرگە سۋعا باتىپ كەتتى - پاۆلودار وبلىسى
بۇل تۋرالى وبلىستىق ت ج د باسپا ءسوز قىزمەتى ءمالىم ەتكەن. – 1- تامىز كۇنى ەرتىس وزەنىنىڭ سىنتاس اۋىلىنان بەس شاقىرىم جەردەگى جاعالاۋىندا وتباسىمەن بىرگە دەمالۋعا كەلگەن اكەسى مەن ۇلى سۋعا باتىپ كەتتى، - دەيدى دەپارتامەنتتە.
- وقيعا ورنىنا كەلگەن ءورت ءسوندىرۋ جانە اۆاريالىق- قۇتقارۋ جۇمىستارى قىزمەتى جەدەل قۇتقارۋ جاساعىنىڭ سۇڭگۋىرلەر توبى 1973 -جىلى تۋعان ءۇي يەسىن ىزدەۋ جۇمىستارىن ءالى جالعاستىرىپ جاتىر. ت ج د ايماق تۇرعىندارى مەن قوناقتارىنا وبلىستىڭ باس مەملەكەتتىك سانيتارلىق دارىگەرى باتىربەك الييەۆتىڭ №8 قاۋلىسىنىڭ 10- تارماعىنا سايكەس ءوڭىردىڭ قوعامدىق جاعاجايلارىنىڭ قىزمەتىنە تىيىم سالىنعانىن ەسكە سالادى.
دەپارتامەنتتىڭ قۇرىلىمدىق جانە اۋماقتىق بولىمشەلەرىنىڭ قىزمەتكەرلەرى كۇن سايىن شومىلۋعا تىيىم سالىنعان جەرلەردە رەيدتەر جۇرگىزەدى. رەسمي كوممۋنالدىق جاعاجايلاردىڭ كارانتين كەزىندە جابىلۋىنا بايلانىستى وبلىس ورتالىعىنىڭ تۇرعىندارى ۋسولكا وزەنىنىڭ سول جاعالاۋىندا، ەرتىستىڭ جىلى اعىسىندا، شوفەرلەر جاعاجايىندا، «زەلەنايا روشا» دەمالىس بازاسىنىڭ جانىندا شومىلۋدى ادەتكە اينالدىردى. بۇل ورىندار شومىلۋعا تىيىم سالىنعان جانە مۇندا شومىلۋ ولىمگە اكەپ سوقتىرۋى مۇمكىن.