ا ق ش- تا ءومىر سۇرەتىن جابايى جانۋار الماتى كوشەلەرىندە ءجۇر

الماتى. قازاقپارات - الماتى كوشەلەرىندە امەريكادا ءومىر سۇرەتىن جانۋار ءجۇر. بۇل ەرەشە جاعداي الەۋمەتتىك جەلىدە جاريالاندى. ونى جۇرگىزۋشىلەردىڭ ءبىرى كورگەن، دەپ حابارلايدى قازاقپارات.

كولىك ايداپ كەلە جاتقان ادامنىڭ الدىنان تۇرا قاشقان جانۋار شيدىڭ اراسىنا كىرىپ جوق بوپ كەتكەن.

«سيرەك كەزدەسەتىن جانۋاردى قالا تۇرعىنى تاپقان. جانۋار كولىكتىڭ الدىنان كەس- كەستەپ شىققان. جۇرگىزۋشى تەز ارادا كولىكتى توقتاتىپ، ۆيدەوعا ءتۇسىرىپ ۇلگەرگەن»، - دەلىنگەن Instagram پاراقشاسىنداعى جازبادا.

ق ر ەكولوگيا جانە گەولوگيا، تابيعي رەسۋرستار مينيسترلىگى بۇل دەرەكتى تەكسەرىپ جاتىر. «كىرەۋكەي (برونەنوسەتس) وڭتۇستىك جانە سولتۇستىك امەريكادا ءومىر سۇرەتىن ءسۇت قورەكتىلەر قاتارىنا جاتادى. بۇل جانۋار قازاقستاندا ءومىر سۇرمەيدى. الەۋمەتتىك جەلىدە جاريالانعان دەرەككە بايلانىستى قازىر تەكسەرۋ ءجۇرىپ جاتىر»، - دەدى مينيسترلىكتىڭ باسپا ءسوز قىزمەتىنەن.

ايتا كەتۋ كەرەك، 25 - ماۋسىمدا ماڭعىستاۋ وبلىسىنىڭ اقشۇقىر اۋىلىنىڭ جەرگىلىكتى تۇرعىندارى كوشەدە جۇرگەن ارىستاندى كورىپ، دابىل قاققان بولاتىن. جىرتقىش جانۋاردى ماماندار ۇستاپ، سيرككە تابىستادى. 10 - شىلدەدە ءتۇز تاعىسىن زاڭسىز باققان اقتاۋ تۇرعىنىنا قاتىستى سوت ۇكىمى شىقتى. كەيىننەن ورمان شارۋاشىلىعى جانە جانۋارلار الەمى باسپا ءسوز حاتشىسى ساكەن دىلداحمەتتىڭ ايتۋىنشا، بۇل جانۋار الماتى زووباعىنا جەتكىزىلگەن.

اۆتور: گۇلميرا عوسمانالي