الەكسەي سوي ۆيتسە-مينيستر ولجاس ابىشەۆتىڭ قاماۋعا الىنۋىنا قاتىستى پىكىر ءبىلدىردى

نۇر-سۇلتان. قازاقپارات - ق ر دەنساۋلىق ساقتاۋ ءمينيسترى الەكسەي سوي ۆەدومستۆونىڭ ۆيتسە- ءمينيسترى ولجاس ابىشەۆتىڭ قاماۋعا الىنۋىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«قازىرگى كەزدە بىزدە ناقتى اقپارات جوق. تەرگەۋ امالدارى ءجۇرىپ جاتىر جانە وكىلەتتى ورگاندار ءتيىستى اقپاراتتى وزدەرى جاريالايدى. ولجاس ابىشەۆ وتكەن اپتادا ءوز ەركىمەن قىزمەتىنەن كەتۋ تۋرالى ءوتىنىم بەردى. سوندىقتان وسى ماسەلە قازىر قاراستىرىلۋدا. مەنىڭ ويىمشا، بەرىلگەن وتىنىمگە سايكەس شەشىم قابىلدانسا، وندا ول لاۋازىمىنان بوساتىلادى»، - دەدى ا. سوي ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

بۇدان بۇرىن حابارلانعانداي، قازاقستان رەسپۋبليكاسى قارجى مينيسترلىگىنىڭ قارجى مونيتورينگى كوميتەتى دەنساۋلىق ساقتاۋ ۆيتسە-ءمينيسترى ولجاس ابىشەۆتىڭ قاماۋعا الىنعانىن راستادى. ول بيۋدجەت قاراجاتىن جىمقىردى دەگەن كۇدىككە ءىلىندى.