الەكسەي سوي: ىندەت قايتا ورشىسە، قوسىمشا شارالار قابىلدايمىز
«جالپى بۇكىل الەمدە كۇزدە جانە قىستا جۇقتىرىلعان رەسپيراتورلى ۆيرۋستى ينفەكسيا (ج ر ۆ ي)، تۇماۋ اۋرۋلارىنىڭ ءورشىپ كەتەتىنى بەلگىلى. ەندى ولارعا كوروناۆيرۋس ينفەكسياسى دا قوسىلىپ وتىر. سول سەبەپتى قازىرگى ۋاقىتتا جاعدايدىڭ بۇلايشا ورشۋىنە بارىنشا دايىندالىپ جاتىرمىز. تۇماۋعا قارسى جىل سايىن جۇرگىزىلەتىن ماۋسىمدىق ۆاكسيناتسيا جوسپارلانعان. سونىمەن قاتار دەنساۋلىق ساقتاۋ مينيسترلىگى رەزەرۆتەگى توسەك ورىنداردى دا دايىنداپ جاتىر. پ ت ر-تەستتار بويىنشا قوسىمشا قور ازىرلەنۋدە. سول سەكىلدى قويمالاردا ءدارى-دارمەك قورى دا جينالۋدا»، - دەدى الەكسەي سوي و ك ق-دا وتكەن باسپا ءسوز ءماسليحاتىندا.
مينيستر قازاقستاندا كارانتين شارالارى بىردەن الىنىپ تاستالمايتىنىن، كەزەڭ- كەزەڭىمەن جەڭىلدەتىلەتىنىن جەتكىزدى.
«ەگەر اۋرۋ تاعى دا كۇرت ءوسىپ، كەتسە ءبىز قوسىمشا شارالار ەنگىزەمىز»، - دەدى ول.
ەسكە سالا كەتسەك، بۇعان دەيىن الەكسەي سوي ەلدەگى ەپيدەميولوگيالىق احۋال جايلى ايتا كەلە قيىن كەزەڭنىڭ ارتتا قالعانىن ءمالىم ەتكەن بولاتىن.
اۆتور: ايان بەكەن ۇلى