الەكسەي سوي وتەماقى تۋرالى: ءار جاعداي جەكە تالدانادى، دارىگەرلەر ۋايىمداماسىن

None
None

نۇر-سۇلتان. قازاقپارات - دەنساۋلىق ساقتاۋ ءمينيسترى الەكسەي سوي مەديتسينا قىزمەتكەرلەرىنە وتەماقى بەرۋ ماسەلەسىندە ءاربىر جاعداي جەكە ءارى ءجىتى زەرتتەلەتىنىن ءمالىم ەتتى، دەپ حابارلايدى قازاقپارات ءتىلشىسى.

«كوپ ادام مەديتسينا قىزمەتكەرلەرىنە وتەماقى بەرەر كەزدە تامىزعا، ياعني كوروناۆيرۋس پەن پنيەۆمونيا ستاتيستيكاسى بىرىكتىرىلگەنگە دەيىن انىقتالعان ادامدار ودان سىرت قالماي ما دەگەن سۇراق قويىپ جاتىر. ءبىز بۇل باعىتتا جۇمىس جۇرگىزىپ جاتىرمىز. مىندەتتى تۇردە ماسەلەنى ءجىتى زەرتتەيمىز. ءاربىر جاعداي جەكە تالدانادى. ءبىزدىڭ ارىپتەستەرىمىزدىڭ ەشقايسىسى بۇل ماسەلە بويىنشا الاڭداماي-اق قويسىن»، - دەدى الەكسەي سوي و ك ق- دا وتكەن باسپا ءسوز ءماسليحاتىندا.

ءمينيستردىڭ ايتۋىنشا، ءدال قازىرگى ۋاقىتتا كەلەشەك ءۇشىن كۇش سالعان ابزال.

«كوپ ۋاقىت وتپەي كۇز كەلەدى. بۇل ستاتيستيكادا وتەماقى مەن تولەماقى عانا ەمەس، ەڭ ءبىرىنشى كەزەكتە رەسرۋستاردى ءبولۋ، بولجاۋ، دياگنوستيكا مەن اۋرۋحاناعا جاتقىزۋ ماسەلەلەرى قامتىلادى. بۇل مىندەتتەر - قازىرگى ۋاقىتتا باستى ماڭىزعا يە»، - دەدى ول.

سوڭعى جاڭالىقتار