قوعام قايراتكەرى سالتانات راحىمبەكوۆا ومىردەن وزدى
بۇل تۋرالى ءوزىنىڭ Facebook پاراقشاسىندا مارقۇمنىڭ كۇيەۋى، «ۇلتتىق اگرارلىق عىلىمي- ءبىلىم بەرۋ ورتالىعى» كوممەرتسيالىق ەمەس اكسيونەرلىك قوعامىنىڭ باسقارما ءتوراعاسى تولەۋتاي راحىمبەكوۆ جازدى.
ايتا كەتەيىك، سالتانات راحىمبەكوۆا 55 جاسىندا پنيەۆمونيادان كوز جۇمدى. سالتانات راحىمبەكوۆا 1965 -جىلى تۋعان. قازاق اۋىل شارۋاشىلىعى ينستيتۋتىن «ينجەنەر- مەحانيك» ماماندىعى بويىنشا جانە ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «زاڭگەر» ماماندىعى بويىنشا بىتىرگەن. ەكونوميكا عىلىمدارىنىڭ دوكتورى.
ءار جىلدارى قاراعاندى وبلىسى اكىمىنىڭ كەڭەسشىسى، قورشاعان ورتانى قورعاۋ ءمينيسترىنىڭ كەڭەسشىسى، «اتامەكەن» وداعى باسقارما ءتوراعاسىنىڭ كەڭەسشىسى، كولىك جانە كوممۋنيكاتسيا مينيسترلىگىنىڭ قۇرىلىمىندا جۇمىس ىستەدى.
«جاسىل ەكونوميكا» جانە G-Global-دى دامىتۋ كواليتسياسىنىڭ باسقارما ءتوراعاسى، باسقارۋشى ديرەكتورى قىزمەتىن اتقاردى. وسى جىلدىڭ ماۋسىم ايىنان باستاپ ەلدىڭ ازاماتتىق اليانسىنىڭ پرەزيدەنتى قىزمەتىن اتقاردى.