د د ۇ دۇنيە ءجۇزى ەلدەرىن قايتادان كارانتين ەنگىزبەۋگە شاقىردى

نۇر-سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمى الەم ەلدەرىنە كوروناۆيرۋستىڭ تارالۋىن الدىن الۋ ءۇشىن جانە الەۋمەتتىك-ەكونوميكالىق سالدارعا بايلانىستى قايتادان كارانتين ەنگىزبەۋدى ۇسىندى.

بۇل تۋرالى د د ۇ توتەنشە اۋرۋلار ءبولىمىنىڭ باسشىسى ەپيدەميولوگ ماريا ۆان كەركحوۆە The Daily Telegraph باسىلىمىنا بەرگەن سۇحباتىندا ايتتى، - دەپ حابارلايدى Tengrinews.kz ءتىلشىسى.

د د ۇ وكىلىنىڭ سوزىنشە، كارانتيننىڭ ورنىنا اۋرۋدىڭ الدىن الۋ ماقساتىندا «لوكاليزاتسيالانعان ستراتەگيالاردى» قولدانۋعا بولادى.

ال ناۋرىزدىڭ اياعىندا 100 دەن اسا ەل كارانتيندى كوروناۆيرۋسپەن كۇرەس ماقساتىندا قولدانىلاتىن قوعامدىق دەنساۋلىق ساقتاۋ جۇيەسىن قالپىنا كەلتىرەتىن ۋاقىت بولعانىن ايتادى.

سونداي-اق مامان الداعى جارتىجىلدىقتا «قاۋىپسىز جانە ءتيىمدى» ۆاكتسينانى كۇتۋدىڭ قاجەتى جوعىن ايتادى.