دەرتىنە شيپا تاپپاعاندار قوڭىر اۋليە ۇڭگىرىن ىزدەپ كەلەدى
مۇندا ەلىمىزدىڭ تۇكپىر-تۇكپىرىنەن تۋريستەر اعىلىپ كەلىپ جاتادى، دەپ حابارلايدى قازاقپارات ش ق و اقپارات ورتالىعىنا سىلتەمە جاساپ.
بۇل جەردە كەزىندە اباي بولعان. مۇحتار اۋەزوۆ تە تالاي مارتە وسى كيەلى ورىنعا كەلگەن.
«قوڭىر اۋليە ۇڭگىرى تۋرالى اڭىزدار از ەمەس. بۇل جەردى ەڭ العاش رەت قوڭىر پايعامبار تاپقان ەكەن. اڭىز بويىنشا نۇحتىڭ كەمەسىنە ءۇش پايعامبار جەتە الماي، تاسقىن كەزىندە بورەنەنى پانالاپتى. سۋ تاسقىنىنىڭ بەتى قايتقان كەزدە قوڭىردىڭ بورەنەسى اقتاس جوتاسىنا كەلىپ تىرەلگەن ەكەن. وندا وسى ۇڭگىر بولعان. ۇڭگىردىڭ ىشىندە ەمدىك قاسيەتى بار سۋ بولعان. سۋدىڭ مولدىرلىگى كريستالداي جارقىراپ تۇرعان. ءبىراق سۋ مۇزداي بولعان (سۋدىڭ تەمپەراتۋراسى - نەبارى 4 گرادۋس قانا جىلى)» دەلىنگەن ش ق و اقپارات ورتالىعى تاراتقان اقپاراتتا.
جەرگىلىكتى اقساقالداردىڭ ايتۋىنشا، سۋدىڭ قاسيەتىن بۇرىنعى اتا-بابالارىمىز جاقسى بىلگەن. جوڭعارلارمەن سوعىستا جاراقات العان ساربازدار وسىندا كەلىپ، دەرتىنە شيپا ىزدەگەن.
وسى كيەلى ورىنعا كەلۋشىلەر قاسيەتتى سۋعا ءتۇسىپ، ەم بولاتىنىنا سەنەدى.