ەلوردادا جاڭا ساياباق سالىنىپ جاتىر

نۇر- سۇلتان. قازاقپارات - ەلوردا «نۇر- سۇلتان - جايلى قالا» جوسپارى اياسىندا دامۋدا. سەرۋەندەپ، سپورتپەن شۇعىلدانۋ ءۇشىن ورىندار ۇيىمداستىرۋ - باسىم باعىتتاردىڭ ءبىرى، دەپ حابارلايدى نۇر- سۇلتان قالاسى اكىمدىگىنىڭ رەسمي سايتى.

«ءبىز ءار اۋداندا، ءار ەلدى- مەكەندە ارنايى ورىنداردىڭ بولعانىن قالايمىز. «كوكتال» ەلدى- مەكەنىندە ۇلكەن ساياباقتىڭ قۇرىلىسى جۇرگىزىلىپ جاتىر. ول ءۇش ايماقتان تۇرادى. ءبىرىنشىسى - تىنىش دەمالىس ايماعى. ول جەرد امفيتەاتر بولادى، 4 مىڭ 300دەن استام اعاش وتىرعىزامىز. ەكىنشى ايماق - سپورتتىق دەمالىسقا ارنالادى. ول جەردە فۋتبول الاڭىن، ۆولەيبول جانە باسكەتبول الاڭىن، تەننيس كورتىن ورناتامىز. سونداي̆- اق، سكەيتبوردتىق الاڭ جانە يوگا ورنى بولادى»، - دەپ جازدى قالا اكىمى التاي كولگىنوۆ ءوزىنىڭ جەلىدەگى پاراقشاسىندا.

ءۇشىنشى ايماق - بالالاردىڭ دەمالىسىنا ارنالعان ورىن. بارلىق ايماقتاردى قىستا دا قولدانۋعا بولادى. تۇرعىندار كونكيمەن، شاڭعىمەن جانە ت. ب. شۇعىلدانا الادى.

«جالپى بيىل 50 قوعامدىق كەڭىستىكتى (ساياباقتار، سكۆەرلەر، بۋلۆارلار) جانە 150 گە جۋىق اۋلانى اباتتاندىرامىز. سونىمەن قاتار، ەلدى- مەكەندەردە ءۇش ءىرى دەنە شىنىقتىرۋ- ساۋىقتىرۋ كەشەنىنىڭ قۇرىلىسى باستالدى، تاعى بىرەۋى كەلەسى جىلى باستالادى»، - دەپ اتاپ ءوتتى التاي كولگىنوۆ.