تۇركيادا ديماشتىڭ سۋرەتى بەينەلەنگەن گراففيتي پايدا بولدى

نۇر- سۇلتان. قازاقپارات - تۇركيانىڭ ادانا قالاسىندا الەمگە ايگىلى قازاقستاندىق ورىنداۋشى ديماش قۇدايبەرگەننىڭ بەينەسى بار گراففيتي پايدا بولدى، دەپ حابارلايدى قازاقپارات.

«Dears، ءبىز وتكەن جىلى 1-تامىزدا ديماشتى ىستانبۇل اۋەجايىندا كەزدەسۋ باقىتىنا يە بولعانبىز. ءبىر جىلدىق مەرەيتويىمىزدى تالانتتى تۇرىك سۋرەتشىلەرى Alper (zeos2305) جانە Ayşe (akazio1) جاساعان «Bastau» دەپ اتالاتىن قابىرعا سۋرەتىمەن قارسى الدىق. ءبىز «Bastau» - ديماشتىڭ تۇركيادا سالىنعان العاشقى سۋرەتى جانە الەمدەگى العاشقى 3D گيپەررەاليستتىك گراففيتي ەكەنىن قۋانا جاريالايمىز!» - دەپ جازدى ديماشتىڭ تۇركياداعى dimash.turkey دەپ اتالاتىن فان- كلۋبى جەلىدەگى پاراقشاسىندا.

سۋرەتشى الپەر اگكا بۇل جۇمىس وعان ساتتىلىك اكەلەدى دەپ ۇمىتتەنەدى. ونىڭ ايتۋىنشا، قابىرعاعا سۋرەت سالۋ ءۇشىن ەكى اي ۋاقىتى كەتكەن.