كوروناۆيرۋس پەن پنەۆمونيا ستاتيستيكاسى بىرىكتىرىلىپ جاريالاندى

نۇر-سۇلتان. قازاقپارات – ق ر دەنساۋلىق ساقتاۋ مينيسترلىگى كوروناۆيرۋس بويىنشا جاڭارتىلعان ستاتيستيكانى ۇسىندى، دەپ حابارلايدى قازاقپارات ءتىلشىسى.

«2020 -جىلدىڭ 1-تامىزىنداعى جاعداي بويىنشا، COVID-19 زەرتحانالىق راستالعان جاعدايلاردىڭ سانى - 1226، سوڭعى ءبىر تاۋلىكتە 36 ادام قايتىس بولدى. انىقتالماعان ەتيولوگياسى بار، ءبىراق كوروناۆيرۋستىق ينفەكتسيانىڭ كلينيكالىق جانە ەپيدەميولوگيالىق بەلگىلەرى تابىلعان پنەۆمونيامەن اۋىرعاندار سانى - 5181. وتكەن تاۋلىكتە پنيەۆمونيا دياگنوزىمەن 30 ءولىم جاعدايى تىركەلدى»، - دەلىنگەن دەنساۋلىق ساقتاۋ مينيسترلىگىنىڭ باسپا ءسوز حابارلاماسىندا.

كەشە كوروناۆيرۋسقا قاتىستى جاڭارتىلعان كوروناۆيرۋس ستاتيستيكاسى 2-تامىزدا جاريالانادى دەپ حابارلاعان بولاتىنبىز.

ەسكە سالا كەتەيىك، ق ر پرەزيدەنتى قاسىم-جومارت توقايەۆ ۇكىمەتكە پاندەميانىڭ ستاتيستيكاسىن بىرىزدەندىرۋدى مىندەتتەگەن بولاتىن. كەيىن كوروناۆيرۋس پەن پنەۆمونيا ستاتيستيكاسى بىرىكتىرىلەتىنى انىقتالدى.

سونىمەن قاتار، ەلىمىزدە COVID-19 بويىنشا جاڭا ستاتيستيكا 1-تامىزدان باستاپ جۇرگىزىلەتىندىگى ايتىلدى. دەنساۋلىق ساقتاۋ ءمينيسترى الەكسەي سوي كوروناۆيرۋس ستاتيستيكاسى جاڭاشا قالاي جۇرگىزىلەتىنىن ءتۇسىندىردى.