10:25, 02 - تامىز 2020 | GMT +6
دەنساۋلىق ساقتاۋ ۆيتسە-ءمينيسترى ولجاس ابىشەۆ قاماۋعا الىندى
نۇر-سۇلتان. قازاقپارات - دەنساۋلىق ساقتاۋ ۆيتسە-ءمينيسترى ولجاس ابىشەۆ قاماۋعا الىندى، دەپ حابارلايدى قازاقپارات ءتىلشىسى.
بۇل اقپاراتتى قازاقستان رەسپۋبليكاسى قارجى مينيسترلىگىنىڭ قارجى مونيتورينگى كوميتەتى راستادى.
«بيۋدجەت قاراجاتىن جىمقىردى دەگەن كۇدىكپەن قازاقستان رەسپۋبليكاسى دەنساۋلىق ساقتاۋ ۆيتسە-ءمينيسترى ولجاس ابىشەۆتى ەكونوميكالىق تەرگەۋ قىزمەتى قىزمەتكەرلەرى قاماۋعا الدى»، - دەدى كوميتەتتەن. تەرگەۋ امالدارى جۇرگىزىلۋدە.
قىلمىستىق ءىس جۇرگىزۋ كودەكسىنىڭ 201-بابىنا سايكەس سوتقا دەيىنگى تەرگەپ-تەكسەرۋدىڭ مالىمەتتەرى جاريا ەتىلمەيدى.
ايتا كەتسەك، ولجاس ابىشەۆ 2018 -جىلى دەنساۋلىق ساقتاۋ ۆيتسە-ءمينيسترى بولىپ تاعايىندالعان. ول سيفرلاندىرۋ جانە اقپاراتتىق قاۋىپسىزدىك ماسەلەلەرىنە جاۋاپ بەردى.