استانادا ماس تۇرعىن دۇكەننەن ايەلدەر كيىمىن ۇرلاپ كەتتى

نۇر-سۇلتان. قازاقپارات - ماس كۇيدەگى ەر ادام نۇر-سۇلتان قالاسىنداعى دۇكەندەردىڭ بىرىنەن ايەلدەر كيىمىن ۇرلاپ كەتتى، دەپ حابارلايدى قازاقپارات ءتىلشىسى.

«ەداۋىر ءىشىپ العان كۇدىكتى تاڭەرتەڭ سەرۋەندەپ قايتۋعا شىققان. جەلتوقسان كوشەسىندە ورنالاسقان دۇكەندى كورىپ، ۇرلىق جاساۋعا بەل بۋادى. پلاستيكالىق تەرەزەنى سۋىرىپ العان ول دۇكەننىڭ ىشىنە كىرىپ، ايەلدەرگە ارنالعان جەيدە، فۋتبولكا مەن سومكەلەردى ۇرلاعان. شىعىن مولشەرى 100 مىڭ تەڭگەدەن اسادى»، - دەيدى قالالىق پوليتسيا دەپارتامەنتىندەگىلەر.

پوليتسەيلەر ءىزىن سۋىتپاي بۇرىن ءىستى بولعان 25 جاستاعى قالا تۇرعىنىن ۇستادى. اتالعان فاكتى بويىنشا ق ر ق ك 188-بابى بويىنشا قىلمىستىق ءىس قوزعالدى. ۇستالعان ازاماتتىڭ قالا اۋماعىندا جاسالعان ۇقساس قىلمىستارعا قاتىسى بار-جوعى تەكسەرىلۋدە.