+7 (701) 759 90 19
21 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

دارىگەرلەر كومەگىمەن بۇكىل وتباسىمىزبەن ناۋقاستان جازىلىپ شىقتىق - قارماقشى تۇرعىنى

2 تامىز 09:21
:ءبولىسۋ
دارىگەرلەر كومەگىمەن بۇكىل وتباسىمىزبەن ناۋقاستان جازىلىپ شىقتىق - قارماقشى تۇرعىنى

قىزىلوردا. قازاقپارات - «دارىگەرلەر - بۇگىنگى كۇننىڭ باتىرلارى دەۋگە ابدەن لايىق. مەديتسينا ماماندارى ءوز دەنساۋلىعىنا قاۋىپ ءتونىپ تۇرعانىنا قاراماستان حالىقتىڭ دەنساۋلىعى ءۇشىن كۇرەسىپ كەلەدى».

بۇل - قىزىلوردا وبلىسى قارماقشى اۋدانىنىڭ تۇرعىنى، زەينەتكەر تامارا ەشمانوۆانىڭ جۇرەكجاردى لەبىزى، دەپ حابارلايدى قازاقپارات ءتىلشىسى.

ونىڭ ايتۋىنشا، الدىمەن جولداسى، بالاسى مەن كەلىنى سىرقاتقا شالدىعىپ، اۋرۋحانادا ەم العان. ءوزى ۇيدە 10 كۇندەي اۋىرىپ جۇرگەن.

«اسقا تابەتىم بولماي، شايدى عانا تالعاجاۋ ەتىپ ءجۇردىم. سونىڭ سالدارىنان اعزامدا السىرەۋ باستالدى. وعان قوسا اياق- قولىم دا ۇيىپ، ابدەن مازام قاشتى. تىنىسىم تارىلىپ، قالىپتى دەنساۋلىعىم وزگەشە كۇيگە ءتۇستى. اۋرۋ ابدەن مازا بەرمەگەننەن كەيىن دارىگەرلەر كومەگىنە جۇگىنۋدى ءجون كوردىم. ۇيگە كەلگەن جەدەل جاردەم دارىگەرلەرى مەنى اۋرۋحاناعا الىپ كەتتى. ەكى مەديتسينا مامانى الدىمەن العاشقى مەديتسينالىق كومەك كورسەتتى. سودان كەيىن ينفەكسيالىق بولىمدەگى جانساقتاۋ بولىمىنە جاتقىزۋعا شەشىم قابىلدادى. اتالعان ءبولىم مەڭگەرۋشىسى ادىلبەك مالىكوۆ، تەراپيەۆت- دارىگەرلەر دينارا ءجۇسىپوۆا، التىناي ءجۇسىپوۆا مەن ناۋرىز قوزانوۆ، مەدبيكەلەر ءار ناۋقاسقا تىنىم تاپپاي كومەك كورسەتتى.

بىلىكتى ماماندار 4-5 ساعات ىشىندە دەنساۋلىعىمدى قالپىنا كەلتىردى. سودان كەيىن پالاتاعا اۋىستىردى. باس دارىگەر باقىتجان نىسانبايەۆ ۇدايى بولىمدە ەمدەلىپ جاتقان ناۋقاستاردىڭ جاعدايىن سۇراپ- ءبىلىپ ءجۇردى»، - دەيدى تامارا ەشمانوۆا.

ول كىسى وسى ۋاقىتقا دەيىن اق حالاتتى ابزال جانداردىڭ ەڭبەگى ەلەۋسىز قالىپ جۇرگەنىن تىلگە تيەك ەتتى. قازىر ولار ءوز دەنساۋلىعىنا قاراماستان اۋىرعانداردىڭ اماندىعى ءۇشىن كۇرەسىپ ءجۇر.

«انتىنا ادال دارىگەرلەردى بۇگىنگى كۇننىڭ ناعىز باتىرلارى دەسەك، ابدەن جاراسادى. باقىتجان نىسانبايەۆ باسقاراتىن اۋرۋحانا ۇجىمىنا ايتار العىسىمىز شەكسىز. سول دەرتىڭە شيپا تانىتقان مامانداردىڭ ارقاسىندا اۋىر ىندەتتى جەڭىپ شىقتىم. ولار قىزمەت بارىسىندا ەم- دومنان بولەك، پسيحولوگيالىق تۇرعىدان زور كومەك كورسەتىپ، ومىرگە دەگەن قۇلشىنىسىمىزدى ارتتىردى. بۇگىندە وتباسىمىز تۇگەلدەي جازىلىپ، ۇيىمىزگە امان- ەسەن ورالدىق. بۇل سىناقتان دا امان- ەسەن وتەرىمىزگە سەنىم مول»، - دەدى تامارا ەشمانوۆا.

سونداي-اق، قىزىلوردا وبلىسىندا پنيەۆمونيانىڭ اۋىر تۇرىنە شالدىققان ناۋقاستار سانى ازايدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات