ق ر پرەزيدەنتى رەجەپ تاييپ ەردوعاندى قازاقستانعا رەسمي ساپارمەن كەلۋگە شاقىردى
مەملەكەتتەر باسشىلارى ءبىرىن- ءبىرى كۇللى مۇسىلماننىڭ مەرەكەسى قۇربان ايتپەن قۇتتىقتاپ، قازاقستان مەن تۇركيانىڭ باۋىرلاس حالىقتارىنا باق-بەرەكە تىلەدى. اڭگىمەلەسۋ بارىسىندا پرەزيدەنتتەر ەكى ەلدەگى قازىرگى ەپيدەميولوگيالىق احۋالدى تالقىلادى.
قاسىم-جومارت توقايەۆ انكارانىڭ COVID-19 پاندەمياسىنا قارسى ءتيىمدى ءىس- قيمىلدارىن جوعارى باعالاپ، ر. ت. ەردوعانعا گۋمانيتارلىق كومەك كورسەتكەنى ءۇشىن ريزاشىلىعىن ءبىلدىردى. تاراپتار كوروناۆيرۋستىڭ سالدارىن جويۋ جانە داعدارىستان كەيىنگى قالپىنا كەلتىرۋ جۇمىستارىندا كۇش- جىگەرلەرىن ودان ءارى جۇمىلدىرا بەرۋگە ۋاعدالاستى.
ەكى ەلدىڭ پرەزيدەنتتەرى قازاقستان مەن تۇركيا اراسىنداعى ستراتەگيالىق قاتىناستاردىڭ قازىرگى جاعدايى مەن دامۋ پەرسپەكتيۆالارىن قاراستىردى.
ەكىجاقتى ساۋدا- ساتتىقتىڭ وڭ قارقىنىن ساقتاۋدىڭ جانە بىرلەسكەن ينۆەستيتسيالىق جوبالاردى، اسىرەسە، دەنساۋلىق ساقتاۋ، «جاڭا ەكونوميكا» جانە اۋىل شارۋاشىلىعى سالالارى بويىنشا باستامالاردى جۇزەگە اسىرۋدىڭ ماڭىزدى ەكەنى اتاپ ءوتىلدى. اڭگىمەلەسۋ سوڭىندا قاسىم-جومارت توقايەۆ رەجەپ تاييپ ەردوعاندى قازاقستانعا رەسمي ساپارمەن كەلۋگە شاقىرعانىن ناقتىلادى.