مينيسترلىك ماسكا تاعۋ رەجيمى قالاي باقىلاناتىنىن ءتۇسىندىردى
ماسكا تاقپاعانى ءۇشىن تۇلعالاردى اكىمشىلىك جاۋاپكەرشىلىككە تارتۋ ءتارتىبى قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكسىندە جازىلعان.
«جەكە تۇلعالارعا (ازاماتتارعا) كارانتيندىك شارالاردى ساقتاماعانى ءۇشىن اكىمشىلىك جاۋاپكەرشىلىككە تارتۋ تۋرالى دالەلدەمەلەر جيناۋدى (الەۋمەتتىك قاشىقتىق، ادامدار كوپ جينالاتىن جەرلەردە ماسكاسىز ءجۇرۋ جانە ت. ب. ) باقىلاۋ توپتارىنىڭ قۇرامىندا ىشكى ىستەر ورگاندارى جانە جەرگىلىكتى پوليتسيا قىزمەتى جۇرگىزەدى»، - دەلىنگەن حابارلامادا.
ودان كەيىن ا ق ب ت ك-نىڭ 425-بابىنىڭ 1-بولىگىمەن اكىمشىلىك ءىس قوزعاۋ ءۇشىن ماتەريالداردى تاۋارلار مەن قىزمەتتەردىڭ ساپاسىن باقىلاۋ كوميتەتىنىڭ اۋماقتىق بولىمشەلەرىنە بەرىلەدى.
«پروكۋراتۋرا ورگاندارى مەملەكەتتىك ورگاندار مەن ۇيىمداردىڭ كارانتيندىك شارالاردى ورىنداۋ كەزىندە ازاماتتار مەن كاسىپكەرلىك سۋبەكتىلەرىنىڭ قۇقىقتارىنىڭ، بوستاندىقتارى مەن زاڭدى مۇددەلەرىنىڭ ساقتالۋىن باقىلاۋدى قامتاماسىز ەتەدى. 5-شىلدەدەن باستاپ ءوز قىزمەتىن قايتا باستاعان مەنشىكتىڭ ءارتۇرلى نىساندارىنىڭ قىزمەتىن، سونداي-اق جەكە تۇلعالاردىڭ كارانتين تالاپتارىن ساقتاۋىن باقىلاۋ ماقساتىندا وڭىرلەردە پوليتسيا قىزمەتتەرى، اكىمدىكتەر، «اتامەكەن» ۇكپ، سانيتارلىق- ەپيدەميولوگيالىق قىزمەت وكىلدەرى، ۆولونتەرلەر كىرەتىن 779 مونيتورينگتىك توپ قۇرىلدى»، - دەلىنگەن حابارلامادا.
ەسكە سالا كەتسەك، 30-شىلدەدەن باستاپ قازاقستاندىقتار كوشەدە ماسكا تاعىپ جۇرۋگە مىندەتتەلدى. بۇل تۋرالى ەلدىڭ باس سانيتارلىق مەملەكەتتىك دارىگەرى ايجان ەسماعامبەتوۆانىڭ قاۋلىسىندا ايتىلعان.
كەيىننەن دەنساۋلىق ساقتاۋ ءمينيسترى الەكسەي تسوي بۇل ەرەجە تەك ەرەسەكتەرگە عانا ەمەس، بالالارعا دا قاتىستى ەكەنىن ءتۇسىندىردى. سونىمەن قاتار، ول جەكە قورعانىس قۇرالدارىن بارلىق قوعامدىق ورىنداردا، سونىڭ ىشىندە ءدامحانالارجا، سپورتپەن شۇعىلدانۋ كەزىندە جانە باسقالارىندا كيۋ كەرەك ەكەنىن ايتقان بولاتىن. سونداي-اق ءمينيستردىڭ بۇيرىعىمەن ەلىمىزدە 5 جاسقا دەيىنگى بالالارعا ماسكا تاقپاي جۇرۋگە رۇقسات بەرىلدى.