+7 (701) 759 90 19
21 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

جاستار اراسىندا ىندەت جۇقتىرعاندار كوبەيدى

1 تامىز 19:03
:ءبولىسۋ
جاستار اراسىندا ىندەت جۇقتىرعاندار كوبەيدى

نۇر-سۇلتان. قازاقپارات - فرانسيادا وڭىرلىك بيلىك كوشەدە ماسكانى مىندەتتى تۇردە تاعۋدى ءوز بەتىنشە ەنگىزۋ قۇقىعىن الدى. مۇنداي مالىمدەمەنى ەل ۇكىمەتى جاسادى، دەپ حابارلايدى قازاقپارات Euronews اگەنتتىگىنە سىلتەمە جاساپ.

20-شىلدەدەن باستاپ ەلدە ءۇستى جابىق قوعامدىق ورىندا ماسكا تاعۋ مىندەتتەلگەن بولاتىن. پاريجدە شىلدە ايىنىڭ ورتاسىنان باستاپ ىندەتتىڭ ەكىنشى تولقىنى ءجۇرۋى مۇمكىن ەكەنى ايتىلعان ەدى، ءبىراق ولار بۇل جاعدايعا دايىنبىز دەپ سەندىرىپ وتىر.

«40-45 جاسقا دەيىنگى ادامدار اراسىندا ىندەتكە شالدىعۋشىلار سانى ورتاشا كورسەتكىشتەن اسىپ ءتۇستى. ەگدە جاستاعى ادامدارعا اسەر ەتىپ، اۋىر زارداپتارعا اكەلگەن ىندەت قازىر جاستار اراسىندا تەز تارالۋدا. جاستاردىڭ قاشىقتىقتى ساقتاماۋىنان وسىنداي جاعداي بولىپ وتىر»، دەيدى وت- دە- فرانس ايماعىنىڭ دەنساۋلىق ساقتاۋ دەپرتامەنتىنىڭ ديرەكتورى ەتەن شامپون.

مادريدتە دە كوشەدە ماسكا تاعۋ مىندەتتەلدى. وعان قارسىلىق تانىتقان جاعدايدا 100 ەۋرو ايىپپۇل سالىنادى. يسپانيادا بىرنەشە كۇن قاتارىنان تاۋلىگىنە كوروناۆيرۋس جۇقتىرعان مىڭنان استام جاڭا جاعداي تىركەلۋدە.

اۋرۋ جۇقتىرعاندار سانى كۇرت وسۋىنە بايلانىستى ءبىرقاتار ەۋروپا ەلدەرى ءوز ازاماتتارىنا يسپانيادا دەمالۋدان باس تارتۋ جونىندە كەڭەس بەرەدى. دەگەنمەن ەل بيلىگى جاعدايدى باقىلاۋدا ۇستاپ وتىر.

اسىرەسە كۋرورتتىق ايماقتاردا ءبىرقاتار تالاپتار ەنگىزىلگەن. سونىمەن، گەرمانيا ءسىم جۇما كۇنى نەمىس تۋريستەرى اراسىندا كەڭىنەن تانىمال اۋداندار كاتالونيا، اراگون جانە ناۆارراعا ساپار شەگۋ ءقاۋىپتى ەكەنىن ايتىپ، ەسكەرتۋ جاسادى.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات