+7 (701) 759 90 19
16 °С : نۇر-سۇلتان
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستاندا جۇرگىزىلگەن كوروناۆيرۋسقا قارسى ۆاكسيناتسيا: مينيسترلىك تۇسىنىكتەمە بەردى

1 تامىز 18:32
:ءبولىسۋ
قازاقستاندا جۇرگىزىلگەن كوروناۆيرۋسقا قارسى ۆاكسيناتسيا: مينيسترلىك تۇسىنىكتەمە بەردى

نۇر-سۇلتان. قازاقپارات – ق ر دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ قازاقستاندا كوروناۆيرۋسقا قارسى العاشقى ۆاكسيناتسيا ەگىلگەنى تۋرالى اقپاراتقا تۇسىنىكتەمە بەردى، دەپ حابارلايدى قازاقپارات ءتىلشىسى.

قازاقستانداعى كوروناۆيرۋسقا قارسى العاشقى ۆاكسيناتسيا قازاق ۇلتتىق اگرارلىق ۋنيۆەرسيتەتى جانىنداعى حالىقارالىق ۆاكسيناتسيا ورتالىعىندا وتكىزىلدى. ۆاكسيناتسيادان وتكەن العاشقى قازاقستاندىق - ورتالىق ديرەكتورى قايسار تابىنوۆ.

وعان اۆستراليادا جاسالعان COVAX-19 پرەپاراتى سالىندى. پرەپارات قازىرگى ۋاقىتتا كلينيكالىق زەرتتەۋلەردىڭ ءبىرىنشى ساتىسىندا.

ق ر دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ءتيىستى ەرەجەلەر بار ەكەنىن، ولارعا سايكەس تاۋارلار مەن قىزمەتتەردىڭ ساپاسىن باقىلاۋ كوميتەتى وسىنداي كلينيكالىق سىناقتاردى وتكىزۋگە رۇقسات بەرۋى كەرەكتىگى تۋرالى ايتتى.

«بۇل وڭاي ىستەلەتىن جۇمىس ەمەس. بىزدە دەنساۋلىق كودەكسى، ءتيىستى ەرەجەلەر مەن رەگلامەنتتەر بار. وسى ەرەجەلەرگە سايكەس تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى وسىنداي كلينيكالىق سىناقتارعا رۇقسات بەرۋى كەرەك. ول ءۇشىن ارنايى حاتتامالار مەن پروتسەدۋرالار بار. بۇگىنگى تاڭدا دەنساۋلىق ساقتاۋ مينيسترلىگىنە قازۇاۋ جانىنداعى حالىقارالىق ۆاكسيناتسيا ورتالىعىنان مۇنداي ءوتىنىش تۇسكەن جوق. تيىسىنشە، ساراپتاما قورىتىندىسىن الۋ ءۇشىن ولار ءدارى- دارمەكتەر مەن مەديتسينالىق ماقساتتاعى بۇيىمداردى ۇلتتىق ساراپتاۋ ورتالىعىنا حابارلاسۋى كەرەك. سودان كەيىن ولار مۇنىمەن اينالىسا الادى»، - دەيدى باعدات قوجاحمەتوۆ. ونىڭ ايتۋىنشا، كەز كەلگەن ءدارى- دارمەكتى جاساۋ ءبىراز ۋاقىتتى الادى، ويتكەنى بۇل ۇزاق جانە اۋىر پروتسەسس.

«مەن ناقتى ايتامىن: ۋاكىلەتتى ورگان – ق ر دەنساۋلىق ساقتاۋ مينيسترلىگى ەشكىمگە مۇنداي رۇقسات بەرگەن جوق، ءبىز ءوتىنىش العان جوقپىز. كەز كەلگەن دارىلىك پرەپاراتتىڭ جاسالۋى بىرنەشە كەزەڭنەن تۇراتىن ۇزاق جانە اۋىر پروتسەسس. ناتيجەسىندە ونىڭ قاۋىپسىزدىگى، تيىمدىلىگى مەن ساپاسى راستالادى. بۇل وتە كۇردەلى ماسەلە»، - دەيدى ول.

ايتا كەتسەك، بۇگىن ءبىرقاتار قازاقستاندىق ب ا ق- تا قازاقستاندا العاش رەت كوروناۆيرۋسقا قارسى ۆاكسيناتسيا جۇرگىزىلگەنى تۋرالى اقپارات تاراعان بولاتىن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات