بالالاردىڭ ماسكا تاقپاي جۇرۋىنە رۇقسات بەرۋ: الەمدىك تاجىريبە قانداي
بۇل شەشىم ا ق ش، اۆستراليا، ۇلىبريتانيا، فرانسيا، پولشا، گەرمانيا، يسپانيا جانە سينگاپۋر سياقتى ەلدەردىڭ تاجىريبەسىنە سۇيەنە وتىر قابىلدانعان، دەپ حابارلايدى قازاقپارات www.coronavirus2020.kz سايتىنىڭ تەلەگرام كانالىنا سىلتەمە جاساپ.
«امەريكا قۇراما شتاتتارىندا ماسكا كيمەۋگە رۇقسات ەتىلگەن جاس ءارتۇرلى بولادى. مىسالى، ماسساچۋسەتس، يللينويس، ۆەرمونت، رود- ايلەند، پەنسيلۆانيا، كولۋمبيا وكرۋگى، نيۋ- يورك قالاسىندا 2 جاسقا دەيىنگى بالالارعا، ال دەلاۆەرادا 11 جاسقا دەيىنگى بالالارعا ماسكا كيمەۋگە بولادى»، - دەلىنگەن ق ر دەنساۋلىق ساقتاۋ مينيسترلىگىنىڭ باسپا ءسوز حابارلاماسىندا. گەرمانيانىڭ كوپ ايماعىندا 6 جاسقا دەيىن، ساكسونيا- انحالتتا 2 جاسقا دەيىن ماسكا تاقپاۋعا بولسا، باسقا ايماقتارىندا تومەنگى جاس بەلگىلەنبەگەن.
«اۆستراليادا 12 جاسقا دەيىن، ۇلىبريتانيادا 3 جاسقا دەيىن، يسپانيادا - 3-5 جاس ارالىعىندا ماسكا تاقپاۋعا بولادى. وسىعان بايلانىستى دەنساۋلىق ساقتاۋ مينيسترلىگى ماسكالاردى مىندەتتى تۇردە كيۋگە قاتىستى قابىلدانعان نورمالارعا وزگەرىس ەنگىزۋ تۋرالى شەشىم قابىلدادى جانە 5 جاستان اسقان بالالار ماسكا كيۋ كەرەك دەپ شەشتى. ەرەجەنى ازىرلەۋ كەزىندە ددۇ ۇسىنىستارى ەسكەرىلدى»، - دەلىنگەن حابارلامادا.
ەسكە سالا كەتسەك، 30-شىلدەدەن باستاپ قازاقستاندىقتار كوشەدە ماسكا تاعىپ جۇرۋگە مىندەتتەلدى. بۇل تۋرالى ەلدىڭ باس سانيتارلىق مەملەكەتتىك دارىگەرى ايجان ەسماعامبەتوۆانىڭ قاۋلىسىندا ايتىلعان. كەيىننەن دەنساۋلىق ساقتاۋ ءمينيسترى الەكسەي تسوي بۇل ەرەجە تەك ەرەسەكتەرگە عانا ەمەس، بالالارعا دا قاتىستى ەكەنىن ءتۇسىندىردى.
سونىمەن قاتار، ول جەكە قورعانىس قۇرالدارىن بارلىق قوعامدىق ورىنداردا، سونىڭ ىشىندە ءدامحانالارجا، سپورتپەن شۇعىلدانۋ كەزىندە جانە باسقالارىندا كيۋ كەرەك ەكەنىن ايتقان بولاتىن. سونداي- اق ءمينيستردىڭ بۇيرىعىمەن ەلىمىزدە 5 جاسقا دەيىنگى بالالارعا ماسكا تاقپاي جۇرۋگە رۇقسات بەرىلدى.