كولىكتە، ءۇي اۋلاسىندا ماسكا تاعۋ مىندەتتى مە
«ەگەر قوعامدىق كولىكتە (اۆتوبۋس، پويىز، ۇشاق كەمە نەمەسە تاكسي) بولسا، وندا مىندەتتى. ال ەگەر جەكە كولىك بولسا، مىندەتتى ەمەس. مۇندا جەكە كولىكتە، ءبىر وتباسى مۇشەلەرىنە ماسكا تاعۋ مىندەتتەلمەيدى. ءبىراق ءبىز ماسكا تاعۋ اۋرۋ قاۋپىن %30 تومەندەتەتىنىن كورسەتەتىن عىلىمي نەگىزدەمەنى ەسكەرە وتىرىپ، ونى تاعۋعا كەڭەس بەرەمىز»، دەلىنگەن حابارلامادا.
سونداي-اق، مينيسترلىك ءوز ۇيلەرىنىڭ اۋلالارىندا ماسكا تاقپاۋعا، ال كوپ قاباتتى ءۇي اۋلاسىندا ماسكانى تاعىپ جۇرۋگە مىندەتتەلەتىن جەتكىزدى.
«جەكە ءۇيدىڭ اۋلاسىندا تاقپاۋعا بولادى. كوپ قاباتتى تۇرعىن ءۇيدىڭ اۋلاسىندا جۇرسە، ماسكا تاعۋى كەرەك. بەس جاسقا دەيىنگى بالالاردى قوسپاعاندا، سونداي- اق الەۋمەتتىك قاشىقتىقتى ساقتاي وتىرىپ، وتباسى مۇشەلەرىنىڭ سەرۋەندەۋ كەزىندە دە بەتپەردە تاعۋى قاجەت»، - دەپ تولىقتىردى مينيسترلىك.
ەسكە سالا كەتسەك، 30-شىلدەدەن باستاپ قازاقستاندىقتار كوشەدە ماسكا تاعىپ جۇرۋگە مىندەتتەلدى. بۇل تۋرالى ەلدىڭ باس سانيتارلىق مەملەكەتتىك دارىگەرى ايجان ەسماعامبەتوۆانىڭ قاۋلىسىندا ايتىلعان.
كەيىننەن دەنساۋلىق ساقتاۋ ءمينيسترى الەكسەي سوي بۇل ەرەجە تەك ەرەسەكتەرگە عانا ەمەس، بالالارعا دا قاتىستى ەكەنىن ءتۇسىندىردى. سونىمەن قاتار، ول جەكە قورعانىس قۇرالدارىن بارلىق قوعامدىق ورىنداردا، سونىڭ ىشىندە ءدامحانالاردا، سپورتپەن شۇعىلدانۋ كەزىندە جانە باسقالارىندا كيۋ كەرەك ەكەنىن ايتقان بولاتىن. سونداي-اق ءمينيستردىڭ بۇيرىعىمەن ەلىمىزدە 5 جاسقا دەيىنگى بالالارعا ماسكا تاقپاي جۇرۋگە رۇقسات بەرىلدى.