+7 (701) 759 90 19
20 °С : نۇر-سۇلتان
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

نۇر-سۇلتاندا كوروناۆيرۋس ناۋقاستارىن ەمدەيتىن تاعى ءبىر ستاتسيونار جابىلدى

1 تامىز 08:42
:ءبولىسۋ
نۇر-سۇلتاندا كوروناۆيرۋس ناۋقاستارىن ەمدەيتىن تاعى ءبىر ستاتسيونار جابىلدى

نۇر-سۇلتان. قازاقپارات - «رامادا پلازا» عيماراتىندا ورنالاسقان جۇقپالى اۋرۋلار ستاتسيونارى جابىلۋدا.

بۇگىن بۇل جەردەن كوروناۆيرۋس ينفەكسياسى جانە پنيەۆمونيامەن اۋىرعان سوڭعى 20 ناۋقاس شىعارىلدى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

№3-قالالىق كوپسالالى اۋرۋحانانىڭ تەراپيەۆتى داۋرەن مولداجانوۆتىڭ ايتۋىنشا، 1-شىلدەدەن باستاپ وسى اۋرۋحانادا COVID-19 اۋرۋى بار 1 مىڭعا جۋىق ناۋقاس ەمدەلگەن.

«بۇل ستاتسيونار ءوز مىندەتىن تولىق ورىندادى. نۇر- سۇلتان اكىمدىگى وتتەگى كونتسەنتراتورلارىن جەتكىزدى. ناۋقاستاردى كۇتۋ ءۇشىن بارلىق مەديتسينالىق جابدىقتار مەن ءدارى- دارمەك بولدى. بۇل بىزگە جوعارى ساپالى مەديتسينالىق كومەك كورسەتۋگە مۇمكىندىك بەردى»، - دەيدى د. مولداجانوۆ. زەينەتكەر ءبيبىجان قاپپاروۆا كوپ ادامدار سياقتى اۋرۋدىڭ العاشقى بەلگىلەرى بايقالعاندا ءوز بەتىنشە ەمدەلگەن. ءبىراق كوپ ۇزاماي سىرقاتتى مەديتسينالىق كومەكسىز جەڭە المايتىنىن تۇسىنگەن.

«مەن سەگىز كۇن بويى ۇيدە ەمدەلدىم. سودان كەيىن عانا جەدەل جاردەم شاقىرۋعا شەشىم قابىلدادىم. مەنى وسى اۋرۋحاناعا الىپ كەلىپ، ون كۇن ەمدەدى. دارىگەرلەرىمە، بارلىق مەديتسينا قىزمەتكەرلەرىنە العىسىم شاكسىز. وزدەرىنە تونگەن قاتەرگە قاراماستان باسقالاردىڭ ءومىرىن ساقتاپ قالعاندارىڭىز ءۇشىن راحمەت! بىزدە وسىنداي جاۋاپكەرشىلىكتى، ادام جانىنا اراشا بولار جاس مامانداردىڭ بارىنا قۋانىشتىمىن!» - دەيدى ءبيبىجان اپا.

جالپى، قالادا COVID-19-عا قارسى كۇرەسكە 16 ستاتسيونار جۇمىلدىرىلعان.

ەستەرىڭىزگە سالا كەتەيىك، 27-شىلدەدە پسيحيكالىق دەنساۋلىق ورتالىعىنىڭ كلينيكاسىنان COVID-19 بار سوڭعى ناۋقاس شىعارىلدى. ءبىر جارىم ايدىڭ ىشىندە مۇندا 1044 ناۋقاس ەمدەلدى. شىلدە ايىنىڭ باسىنان باستاپ نۇر-سۇلتان ستاتسيونارلارىندا پنيەۆمونيامەن اۋىراتىندار سانى 5 ەسە ازايدى.


قابىلدانعان كارانتين شارالارى مەن قالا ەمحانالارىندا امبۋلاتوريالىق ەمدەۋدى كۇشەيتۋ ناتيجەسىندە جەدەل جاردەم ستانتسياسىنا قوڭىراۋلار سانى 3 ەسە - كۇنىنە 3 مىڭنان مىڭعا دەيىن، توسەك-ورىن قورىنىڭ جۇكتەمەسى %99 دان %30 عا ازايدى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات