شەتەلدەگى قانداستار ۇ ب ت-نى تۇڭعىش رەت ونلاين تاپسىردى
بۇل تۋرالى قازاقپارات «وتانداستار قورىنا» سىلتەمە جاساپ حابارلايدى.
«وتانداستار قورى» جۇقپالى ىندەت سالدارىنان شەتەلدەن كەلە الماي قالعان جاستاردىڭ ءوتىنشى بويىنشا ۇ ب ت ونلاين وتكىزۋ باستاماسىن وسىدان ءۇش اي بۇرىن كوتەرگەن بولاتىن.
ءبىلىم جانە عىلىم، سىرتقى ىستەر مينيسترلىكتەرىنىڭ، ۇلتتىق تەستىلەۋ ورتالىعىنىڭ قولداۋىمەن، ق ر اۋماعىندا كورونوۆيرۋستىق ينفەكسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا وتىرىسىندا شەتەلدەگى قانداس جاستارعا ۇ ب ت «ونلاين» وتكىزۋ شەشىمى قابىلداندى.
ءبىلىم جانە عىلىم مينيسترلىگى تاراپىنان تالاپكەرلەردى ۇلتتىق ءبىرىڭعاي تەستىلەۋگە دايارلايتىن دايىندىق بولىمىنە 2018-2019 -جىلى 992، 2019-2020 -جىلى 1300، 2020-2021 -جىلعا 1300 ورىن بولىنگەن. جىل سايىن قانداستاردى قابىلداۋعا ارنالعان كۆوتا %2 دان، %4 عا ءوستى. 2020 -جىلى ۇ ب ت تاپسىرۋعا 2025 قانداسىمىزدان ءوتىنىش ءتۇستى. قانداس تالاپكەر جاستاردىڭ باسىم بولىگى ۇ ب ت ەل ىشىندە تاپسىردى. ەلگە كەلە الماعان قانداس تالاپكەرلەردىڭ ونلاين تەست تاپسىرۋىنا اتسالىسقان بارشا مامانداردىڭ قىزمەتىنە ريزاشىلىعىمدى بىلدىرەمىن»، - دەيدى «وتانداستار قورىنىڭ» ۆيتسە- پرەزيدەنتى ماعاۋيا سارباسوۆ.
ەسكە سالساق، وزبەكستان، قىتاي، موڭعولياداعى قانداستار ۇ ب ت-نى 19-شىلدەدە تاپسىردى. ۇلتتىق قوعامدىق سەنىم كەڭەسىندە شەتەلدەگى قانداستارعا كوپتەپ گرانت ءبولۋدى ۇسىندى.