ايدا بالايەۆا: ىزگىلىك پەن ادامگەرشىلىك قىمبات قۇندىلىقتارىمىز بولىپ قالا بەرەدى

نۇر-سۇلتان. قازاقپارات – ق ر اقپارات جانە قوعامدىق دامۋ ءمينيسترى ايدا بالايەۆا قازاقستاندىقتاردى قۇربان ايت مەركەسىمەن قۇتتىقتادى، دەپ حابارلايدى قازاقپارات.

ايدا بالايەۆا ءوز قۇتتىقتاۋىندا زامانا تالاپتارى وزگەرسە دە ىزگىلىك، ماحاببات پەن ادامگەرشىلىك قىمبات قۇندىلىقتارىمىز بولىپ قالا بەرەتىندىگى تۋرالى ايتتى.

«سوڭعى ايلاردا ءبىزدىڭ ءومىرىمىز كۇرت وزگەردى. ءبىز دە وزگەردىك. بۇگىنگە دەيىن، كوپ ءمان بەرىلمەگەن قۇندىلىقتار: دەنساۋلىق، جاقىندارىمىزدىڭ اماندىعى، قاراپايىم قارىم- قاتىناس ەڭ باستى ءارى قىمبات قۇندىلىقتار ەكەنىن ءومىر بىزگە تاعى ءبىر رەت دالەلدەدى... ءبىراق زامانا تالاپتارى وزگەرسە دە - ىزگىلىك، ماحاببات پەن ادامگەرشىلىك، دوستىق پەن كەلىسىم ماڭگىلىك قىمبات قۇندىلىقتارىمىز بولىپ قالا بەرەدى»، - دەپ جازدى مينيستر الەۋمەتتىك جەلىدەگى پاراقشاسىندا.

سونداي-اق، مينيستر قازىر قوناققا بارۋ، مەرەكەلىك جانە ءداستۇرلى شارالاردى وتكىزۋدە جاڭا ەرەجەلەر تالابىن ورىنداۋ ماڭىزدىلىعىن ەسكەرتتى.