باس ءمۇفتي: قۇربان ايت - يسلامداعى ەكى ۇلىق مەرەكەنىڭ ءبىرى
«بارشاڭىزدى كۇللى ءيسى مۇسىلمان بالاسى اسىعا كۇتەتىن ۇلىق مەيرام - قۇربان ايتپەن شىن جۇرەكتەن قۇتتىقتايمىن! ايتتارىڭىز قابىل بولسىن! سىزدەرگە اللادان اماندىق، مىقتى ساۋلىق، مول ىرىس پەن باق- بەرەكە تىلەيمىن! قۇربان ايت - اسىل ءدىنىمىز يسلامداعى ەكى ۇلىق مەرەكەنىڭ ءبىرى. ايتۋلى كۇندە مۇسىلمان قاۋىمى قۇداي جولىندا قۇربان شالىپ، قاناعات پەن قايىرىمدىلىقتىڭ، مەيىرىمدىلىك پەن ىزگىلىكتىڭ رياسىز ۇلگىسىن كورسەتىپ، كومەككە مۇقتاج جانداردىڭ باتا- تىلەگىن الىپ، العىسىنا بولەنەدى»، - دەلىنگەن باس ءمۇفتيدىڭ قۇتتىقتاۋىندا. سونداي-اق، ناۋرىزباي قاجى تا عانۇلى الەمدەگى جانە ەلدەگى جاعدايعا بايلانىستى قۇربان ايتتى ءوز دارەجەسىندە اتالىپ وتىلمەي جاتانىنا دا توقتالدى.
«وكىنىشكە قاراي، الەمدەگى جانە ەلدەگى جاعدايعا بايلانىستى قۇربان ايتتى ءوز دارەجەسىندە اتاپ ءوتىپ، جاماعاتپەن قۇلشىلىق جاساي المايمىز. اللانىڭ اماناتى بولعان ءومىرىمىز بەن دەنساۋلىعىمىزدى ساقتاۋ - مۇسىلماندىق مىندەتىمىز. الايدا ساۋاپ ىزدەگەن ادام ءۇشىن جاقسىلىقتىڭ ەسىكتەرى قاشان دا اشىق. ءبىز وسى رەتتە قۇربان شالۋ شارالارىن قاشىقتىقتان جۇزەگە اسىرۋدى قولعا الدىق. مەشىتتەرىمىز اشىلىپ، جاماعاتپەن قۇلشىلىق جاسايتىن كۇندى جاقىن ەتىپ، قالىپتى ءومىر تىرشىلىگىنە قايتا ورالۋدى جازعاي»، - دەدى ول.