+7 (701) 759 90 19
21 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قۇربان ايتتا مەرەكەلىك رۋحتى ساقتاۋعا تىرىسۋىمىز كەرەك – ق م د ب

31 شىلدە 08:37
:ءبولىسۋ
قۇربان ايتتا مەرەكەلىك رۋحتى ساقتاۋعا تىرىسۋىمىز كەرەك – ق م د ب

نۇر-سۇلتان. قازاقپارات - قازاقستان مۇسىلماندارى ءدىني باسقارماسى قازاقستاندىقتاردى كارانتينگە بايلانىستى ەنگىزىلگەن تىيىمدارعا قاراماستان قۇربان ايت كۇنى مەرەكەلىك رۋحتى ۇمىتپاۋعا شاقىردى، دەپ حابارلايدى قازاقپارات ءتىلشىسى.

«بيىلعى قۇربان ايت مەيرامى جىلداعىداي ەمەس. حالىق ءبىر- ءبىرىنىڭ ۇيىنە ايتتاپ بارا المايدى جانە بازاردان مال ساتىپ الىپ، قۇرباندىق شالۋىنا شەكتەۋ قويىلدى. سونداي-اق، مەشىتتە ايت نامازىن وقۋعا تىيىم سالىندى. دەگەنمەن، ازاماتتارىمىز كارانتيننىڭ كەسىرىنەن مەشىتكە بارا المادىق، ايتتاي المادىق نەمەسە باسقا دا جوسپارلار ىسكە اسپاي قالدى دەپ قىنجىلماۋى كەرەك. كەرىسىنشە، ءارقايسىمىز ءوز وتباسىمىزدا وسى مەرەكەلىك رۋحتى ساقتاۋعا تىرىسۋىمىز كەرەك. قۇربان ايتتى تاڭەرتەڭ ەرتە تۇرىپ نامازىن وقىپ، دۇعا تىلەپ، قۇلشىلىق جاساپ قارسى العان دۇرىس. سونىمەن قاتار، ۇيدەگى جاقىندارىنا سىيلىق الىپ بەرىپ قۋانتۋعا دا بولادى»، - دەيدى قازاقستان مۇسىلماندارى ءدىني باسقارماسى شاريعات جانە ءپاتۋا ءبولىمى مەڭگەرۋشىسىنىڭ ورىنباسارى حاسان امانقۇل.

ونىڭ ايتۋىنشا، مەشىتتەگى قۇربان ايت نامازىنا جاماعاتتىڭ قاۋىپسىزدىگىن قامتاماسىز ەتۋ ماقساتىندا تىيىم سالىندى.

«وزدەرىڭىز بىلەتىندەي، قۇرباندىق شالۋ ءۇشىن Qurban2020.kz سايتى ارقىلى ونلاين تاپسىرىس بەرۋگە بولادى. ءىرى قارا مال بولسا، 7 ادامعا دەيىن بىرىگىپ نيەتتەنۋگە رۇقسات. ال قالعان مەرەكەلىك ءداستۇردى وتباسىمەن بىرگە ۇيدە جاساعانى ابزال. ودان بولەك، قازىر 21 -عاسىر الىس- جاقىن اعايىن تۋىسپەن ۇيالى تەلەفون ارقىلى حابارلاسىپ، قۇتتىقتاپ، يگى تىلەكتەرىن ايتۋ مۇمكىندىگى بار. ەڭ باستىسى - كوپشىلىكتەن سانيتارلىق تالاپتاردى ساقتاۋىن سۇرايمىز. ونىڭ ۇستىنە ءبىزدىڭ دىنىمىزگە سايكەس ادام وزىنە دە، وزگە دە زيانىن تيگىزبەۋى كەرەك. سول سياقتى، قۇران كارىمدە وزدەرىڭدى ءقاۋىپ- قاتەرگە سالماڭدار دەگەن ايات بار. سوندىقتان ورتاق تالاپقا مويىنسۇنىپ، قوناققا بارۋدى، توپ بولىپ شوعىرلانۋدى قويا تۇرعانىمىز ءجون»، - دەيدى ول.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات