+7 (701) 759 90 19
20 °С : نۇر-سۇلتان
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ق ر پرەزيدەنتى قازاقستاندىقتاردى قۇربان ايت مەرەكەسىمەن قۇتتىقتادى

31 شىلدە 08:05
:ءبولىسۋ
ق ر پرەزيدەنتى قازاقستاندىقتاردى قۇربان ايت مەرەكەسىمەن قۇتتىقتادى

نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆ قازاقستاندىقتاردى قۇربان ايت مەرەكەسىمەن قۇتتىقتادى، دەپ حابارلايدى قازاقپارات اقورداعا سىلتەمە جاساپ.

***

قۇرمەتتى وتانداستار! بارشاڭىزدى قاسيەتتى قۇربان ايت مەرەكەسىمەن شىن جۇرەكتەن قۇتتىقتايمىن! اسىل ءدىنىمىز بەن سالت-ءداستۇرىمىزدىڭ ساباقتاستىعىن بەكەمدەپ، رۋحاني قۇندىلىعىمىزدىڭ اجىراماس بولىگىنە اينالعان قاستەرلى مەيرامنىڭ كۇللى مۇسىلمان الەمىندە الاتىن ورنى ەرەكشە. تاريحىمىزبەن تامىرلاس، تانىمىمىزبەن وزەكتەس قۇربان ايت قازاقستان حالقىن بەيبىتشىلىك پەن تاتۋلىققا، ءوزارا سىيلاستىققا، بەرەكە-بىرلىككە ۇندەيدى. يماندىلىق پەن پاراساتتىلىقتى، جاسامپازدىق پەن مەيىرىمدى دارىپتەپ، جاقسىلىققا جول اشادى.

بۇگىندە جالپى ادامزاتقا اۋىر سالماق سالىپ وتىرعان قاۋىپتى ىندەتتى جەڭىپ شىعۋ ءۇشىن بىزگە تاس-ءتۇيىن اۋىزبىرشىلىك پەن تەمىردەي ءتارتىپ قاجەت. قازىرگىدەي كۇردەلى كەزەڭدە ءبىر-بىرىمىزگە قول ۇشىن بەرىپ، بارىمىزدى ءبولىسىپ، جۇرتىمىزدىڭ امان- ساۋلىعىن ويلاپ، جاۋاپكەرشىلىك تانىتۋىمىز اسا ماڭىزدى. تىلەگىمىز ءبىر، نيەتىمىز ورتاق بولسا، ماقساتىمىزعا جەتەمىز. بىرلىگىمىزدى بەكەمدەپ، ىنتىماعىمىزدى ارتتىراتىن بۇل مەرەكەنىڭ ءمان- ماعىناسى دا وسىندا ەكەنىن باسا ايتقىم كەلەدى. «سابىر - ساۋلەتتى بايلىق» دەيدى حالقىمىز.

رۋحى اسقاق ەل رەتىندە بارلىق سىناقتى ەڭسەرەتىنىمىزگە سەنەمىن. ءار شاڭىراققا قۇت-بەرەكە تىلەيمىن! حالقىمىزدىڭ اماندىعى ءۇشىن شالعان قۇرباندىقتارىڭىز قابىل بولسىن! قۇربان ايت بارشامىزعا جاقسىلىق اكەلسىن!


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات