قۇربان ايت ءبىزدى ىزگى ۇردىستەرگە باۋلىپ، ادامي قۇندىلىقتاردىڭ باعاسىن ارتتىرا تۇسەدى - ەلباسى

None
None
نۇر-سۇلتان. قازاقپارات - قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ قازاقستانىقتاردى قۇربان ايت مەرەكەسىمەن قۇتتىقتادى.

بۇل تۋرالى قازاقپارات elbasy.kz سايتىنا سىلتەمە جاساپ حابارايدى.

***

قۇرمەتتى وتانداستار! بارشاڭىزدى قاسيەتتى قۇربان ايت مەرەكەسىمەن قۇتتىقتايمىن! مەيىرىمدىلىكتىڭ، جاقسىلىق پەن جاسامپازدىقتىڭ سيمۆولى بولىپ سانالاتىن بۇل جارقىن مەيرام ءبىزدىڭ جۇرەگىمىزگە جاقىندارىمىزعا دەگەن سۇيىسپەنشىلىك ۇيالاتىپ، يگى ىستەرگە، مۇقتاج جاندارعا كومەكتەسۋگە ۇندەيدى. وسى كۇنى ءبىز جاراتقانعا جالبارىنىپ، وزىمىزگە بەيبىت ءومىر مەن تىنىشتىق، قايرات- قۋات پەن رۋحاني كۇش- جىگەر سۇرايمىز. قۇربان ايت ءبىزدى ىزگى ۇردىستەرگە باۋلىپ، ادامي قۇندىلىقتاردىڭ باعاسىن ارتتىرا تۇسەدى.

ەلىمىزدە قۇربان ايت ءارتۇرلى ۇلتتار مەن ءدىن وكىلدەرى اراسىنداعى بىرلىكتى نىعايتۋعا سەپتىگىن تيگىزەدى. وسى قاستەرلى مەرەكەدە بارشا قازاقستاندىقتارعا زور دەنساۋلىق پەن باق-بەرەكە تىلەيمىن! ايت قابىل بولسىن!

سوڭعى جاڭالىقتار