+7 (701) 759 90 19
16 °С : نۇر-سۇلتان
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستاندىق ۆاكتسينانىڭ ساپاسى شەتەلدىك ۆاكتسينادان كەم بولمايدى - پروفەسسور

30 شىلدە 22:42
:ءبولىسۋ
قازاقستاندىق ۆاكتسينانىڭ ساپاسى شەتەلدىك ۆاكتسينادان كەم بولمايدى - پروفەسسور

نۇر- سۇلتان. قازاقپارات - بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتىنىڭ باس عىلىمي قىزمەتكەرى، ۆەتەريناريا عىلىمدارىنىڭ كانديداتى، پروفەسسور بەرىك حايرۋللين كوروناۆيرۋستىق ينفەكتسياعا قارسى قازاقستاندىق ۆاكتسينانىڭ دايىندالۋ بارىسى قاي كەزەڭدە ەكەنىن ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا قازاقستاندىق بەلسەندەندىرىلگەن COVID-19 ۆاكتسيناسىن كلينيكاعا دەيىنگى زەرتتەۋلەر اياقتالىپ قالدى. ءبىزدىڭ ۆاكتسينانىڭ ساپاسى مەن قاۋىپسىزدىگى ۇلى بريتانيا، ا ق ش، رەسەي سياقتى ءبىرقاتار ەلدەگى بەلگىلى انالوگتاردان كەم ەمەس. زەرتحانالىق جانۋارلار: قويان، تەڭىز شوشقاسىنا كلينيكاعا دەيىنگى زەرتتەۋلەر جۇرگىزىلدى. ولار ۆاكتسينامىزدىڭ قاۋىپسىزدىگى مەن يممۋنوگەندىلىگىن تەكسەرۋ ءۇشىن قولدانىلادى. گۋمانيتارلىق زەرتتەۋلەر قىركۇيەك ايىندا باستالادى دەپ جوسپارلانعان»،- دەيدى پروفەسسور بەرىك حايرۋللين. ونىڭ ايتۋىنشا، قازاقستاندىق عىلىمنىڭ الەۋەتى زور جانە الەمدىك دەڭگەيدەگى عىلىمي زەرتتەۋ جاساي الادى.

«الەۋمەتتىك جەلىلەردە قازاقستاندىق عىلىمنىڭ بولاشاعى جوق ەكەندىگى تۋرالى اقپاراتتار تاراپ ءجۇر. ءبىزدىڭ ينستيتۋتتىڭ اشىلعانىنا 60 جىلدان استى. بۇل ءبىزدىڭ ادامنىڭ ينفەكتسيالىق ۆيرۋستىق اۋرۋىنا قارسى ويلاپ تاپقان بەسىنشى ۆاكتسينامىز. جىل مەزگىلدەرىندە بولاتىن تۇماۋعا قاتىستى ۆاكتسيناعا زەرتتەۋ جۇمىسى الماتىداعى 2000 ەرىكتى ادامعا جاسالدى. ەشقانداي كەرى اسەر بولعان جوق. ءبىز ۆاكتسينانى ءبىرىنشى رەت جاساپ وتىرعان جوقپىز، وزگە ەلدەر جاساپ شىعارا الاتىن ۆاكتسينانى ءبىز دە جاساي الامىز. قۇس جانە دوڭىز تۇماۋىنا قارسى العاش جاساعان ۆاكتسينامىز رەسەيدە سىنالعان. ءبارى جاقسى وتكەن، ەشقانداي كەرى اسەر بولمادى. دۇنيەجۇزىلىك دەنساۋلىق ساقتاۋ ۇيىمىنىڭ ءبىزدىڭ ۆاكتسينانى تىركەپ قويۋى ءبىزدىڭ مۇمكىندىگىمىز قانداي ەكەنىنەن حابار بەرەدى. ت م د بويىنشا ءبىزدىڭ ەل ددسۇ ۆاكتسيناسىن تىركەگەن رەسەيدەن كەيىنگى ەكىنشى ەل. باستىسى - وزىمىزگە سەنۋىمىز كەرەك. ءار مەملەكەت الدىمەن ءوز ۆاكتسيناسىن تەستتەن وتكىزەدى. ءبىز اتا، اپا، اكە- شەشەمىزدى، مەديتسينالىق قىزمەتكەرلەردى قورعاۋىمىز كەرەك. جاقسى ۆاكتسينا جاساپ شىعارۋعا مىندەتتىمىز جانە جاساپ شىعارامىز»، - دەيدى ول.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات