+7 (701) 759 90 19
21 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قۇربان شالۋعا تاپسىرىس قالاي بەرىلەدى جانە ەتتى كىمدەر ۇلەستىرەدى؟

30 شىلدە 21:45
:ءبولىسۋ
قۇربان شالۋعا تاپسىرىس قالاي بەرىلەدى جانە ەتتى كىمدەر ۇلەستىرەدى؟

نۇر-سۇلتان. قازاقپارات - ەرتەڭ مۇقىم مۇسىلمان جاماعاتى ءۇشىن قاسيەتتى قۇربان ايت باستالادى، دەپ حابارلايدى «حابار 24» . ءبىراق ەلدەگى ەپيدەميولوگيالىق جاعدايعا بايلانىستى مەشىتتەردە ايت نامازى وقىلمايدى.

ال قۇربان شالۋ ءراسىمى بيىل قازاقستاندا العاش رەت قاشىقتان ورىندالادى. وعان دايىندىق قالاي؟

قۇربان شالۋ - مۇسىلمان جاماعاتى ءۇشىن يبراھيم پايعامباردان بەرى كەلە جاتقان مىندەت. ءۋاجىپ امالدى بيىل قازاقستاندىقتار ەرەكشە جاعدايدا ورىندايدى. شەكتەۋ شارالارىنا بايلانىستى بازار ارالاپ، ۇناعان مالدى تاڭداپ الۋعا مۇمكىندىك جوق. دەسە دە بۇل ءىستى مۋفتيات ماماندارىنا اماناتتاي الادى. ول ءۇشىن ارنايى سايت جاسالىپ، ىسكە قوسىلدى. بۇگىن تۇسكە دەيىن 400 گە جۋىق ادام قۇربان شالۋعا ءوتىنىش ءبىلدىرىپ، قارجىسىن اۋدارعان. كومەككە مۇقتاج جاندار دا بيىل مەشىت اۋماعىن ماڭايلاماي، سايتتا ءوتىنىش قالدىرا الادى. ولار ءتورت سانات بويىنشا ىرىكتەلەدى.

جاندوس ءتاجىمۇرات ۇلى، قمدب شتاب قىزمەتكەرى:

- بۇل جەردەگى ەكى پروتسەسس - قۇربان شالۋعا قاشىقتان تاپسىرىس قابىلداۋ، ەكىنشىسى، كومەك الۋعا ءوتىنىم قابىلداۋ. نەگىزى قۇرباندىق 4 تۇلىك مالدان شالىنسا، نۇر- سۇلتان قالاسىندا ءتورت تۇلىك مالدىڭ بارلىعى جوق. تۇيە مەن ەشكى جوق. بىزدە تاڭدالىناتىن ەكى ءتۇرى. سيىردان جانە قويدان تاڭداۋ. مال سويىلعان مەزەتتى بەينەگە ءتۇسىرىپ، كورسەتىلگەن نومىرىنە جولدايدى. بەينە جولداۋ ءۇشىن دە تاڭداۋ كەرەك. كوپشىلىگى ەسەبى قاجەت دەپ تاڭداۋ ۇستىندە. قاسيەتتى مەيرامداعى ساۋاپتى ءىستى ابىرويمەن اتقارۋعا ءمۇفتيات ماماندارى بارىن سالادى. كوپشىلىك سۇراۋىن ورىنداۋ ءۇشىن ەلوردادا ەكى قاساپحانا دايىندالدى. 40 شاقتى بىلىكتى قاساپ ىرىكتەلگەن. مال باسى جەتكىلىكتى. سونداي- اق ۆولونتەرلەر توبىمەن كەلىسىپ، مۇقتاج جانعا ەتتى جەتكىزىپ بەرۋ ءىسىن دە جۇيەلەپ جاتىر. مۇنىڭ ءبارى ءبىزدىڭ ەلدە العاش رەت ورىندالعانىمەن، شەت ەلدەردە قولدانىلىپ جۇرگەن تاجىريبە دەيدى يمامدار.

ەربولات ءجۇسىپوۆ، «ازىرەت سۇلتان» مەشىتىنىڭ باس يمامى:

- قاجىلىققا بارعاندا ءسىز قۇربان شالماقشى بولساڭىز، ءوزىڭىز بارىپ قۇربان شالا المايسىز. ويتكەنى ميلليونداعان ادامنىڭ قاجەتتىلىگىن ورىنداۋ ءۇشىن ول جەردە ارنايى ماماندار بار. ءسىز ءوز اتىڭىزدى تىركەتىپ، بىرەۋ ياعني ۋاكىلدىك شالادى. ونلاين قۇرباندىقتى دا ءبىز وسىلاي ءتۇسىنۋىمىز كەرەك. مىسالى، تۇركيا، مالايزيا، يندونەزيا سياقتى ەلدەردە ءبىر قالانىڭ وزىندە ميلليونداعان حالىق بار. ول حالىقتىڭ ءبارى ءبىر ۋاقىتتا قۇربان شالۋى مۇمكىن ەمەس. سوندىقتان بۇل حالىقارالىق تاجىريبەدە جاسالىپ جاتقان ۇلكەن ءىس. ءۇيىنىڭ اۋلاسى بار اۋىلداعى اعايىن قۇرباندىقتى جىلداعى ءداستۇر بويىنشا شالا بەرەر. ءبىراق مال ساتاتىن ۇلكەن بازارلار جابىق. توپ بولىپ شوعىرلانۋعا تاعى بولمايدى. سوندىقتان ءتورت تۇلىكتى تابۋدا ماسەلە تۋىنداۋى مۇمكىن. دەسە دە قولدا بار قويىن وسى كەزدە قارجىعا ايىرباستاپ جاتقاندار دا جوق ەمەس.

ورازبەك تالق ۇلى، اقمولا وبلىسىنىڭ تۇرعىنى:

- جىلدا وسى جەرگە سوياتىنبىز. قازىر كارانتين بولعاننان كەيىن تىرىدەي الىپ كەتىپ جاتىر. بىزدە 250 دەي قوي بولاتىن، 150ءى كەتىپ قالدى. ەندى ەرتەڭگە جەتە مە، جەتپەي مە بىلمەيمىن. ەسكە سالا كەتەيىك، قۇرباندىق شالۋ ايت نامازىنان كەيىن ورىندالادى جانە ايتتىڭ ءۇشىنشى كۇنى اقشام نامازىنا دەيىن جالعاسادى. قۇرباندىق مالى سوقىر، اۋرۋ، اقساق، نەمەسە تىم ارىق بولماۋ شارت. سونداي- اق قوي نە ەشكى ءبىر جاسار، سيىر 2،تۇيە بەس جاسقا تولعان بولۋى ماڭىزدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات