قازاقستاندا كارانتينگە جابىلعان ساۋدا نىساندارى قاشان اشىلادى

نۇر- سۇلتان. قازاقپارات - قازاقستانداعى ساۋدا نىساندارىنىڭ العاشقىسى قاشان اشىلادى؟ بۇل سۇراققا ۇكىمەت باسشىسىنىڭ ورىنباسارى ەرالى توعجانوۆ جاۋاپ بەردى، دەپ حابارلايدى قازاقپارات ءتىلشىسى.

«17-تامىزدان باستاپ - سانيتارلىق تالاپتارعا جاۋاپ بەرەتىن نىساندار جۇمىسىن باستايدى»، - دەدى ەرالى توعجانوۆ و ك ق- دا تىلشىلەردىڭ سۇراعىنا جاۋاپ بەرە وتىرىپ.

ونىڭ ايتۋىنشا، ويىن- ساۋىق ورتالىقتارى، ساۋدا ۇيلەرى، جابىق ساناتتاعى ازىق- تۇلىكتىك جانە ازىق- تۇلىكتىك ەمەس بازارلار، بالالاردىڭ كوررەكتسيالىق كابينەتتەرى، ءبىلىم بەرۋ ورتالىقتارى، بالالاردى دامىتۋ ورتالىقتارى، توپتىق ۇيىرمەلەر (بەس بالادان اسپاۋى كەرەك)

، بالالاردىڭ مەكتەپكە دەيىنگى مەكەمەلەرى (كەزەكشى توپ رەجيمىندە جۇمىس ىستەۋگە رۇقسات)، ءسان- سالوندارى، كوسمەتيكالىق قىزمەت كورسەتەتىن ورتالىقتار وسى تالاپتارعا ساي بولۋى كەرەك. ەسكە سالا كەتسەك، بۇعان دەيىن ەرالى توعجانوۆ كاسىپكەرلىك سۋبەكتىلەرى تەكسەرۋ اكتىسىنىڭ وڭ قورىتىندىسى شىققان جاعدايدا عانا جۇمىسىن باستاي الاتىنىن حابارلاعان بولاتىن.