بالالار ماسكا تاعۋى كەرەك: سوي قازاقستاندىقتارعا بالالاردىڭ ماسكاسىن وزدەرىڭىز جاساڭىزدار دەپ كەڭەس بەردى
الەكسەي سويدىڭ ايتۋىنشا، ماسكالار بارلىق بالالارعا، ونىڭ ىشىندە نارەستەلەرگە كيۋ كەرەك.
مينيستر بالالار دا ماسكا تاعىپ ءجۇرۋى كەرەك ەكەنىن ايتتى. ول ماسكانى قولدان دا جاساۋعا بولاتىنىن جەتكىزگەن. بۇل ايتارلىقتاي ماسەلە ەمەس، ءبىز بارىنشا قورعانۋدى ويلانۋىمىز كەرەك دەيدى.
«ماسكا ماسەلەسىنە قاتىستى ايتقىم كەلەدى. مەن بۇل جەردە ەشقانداي ماسەلە كورىپ تۇرعان جوقپىن. بالالار قاراپايىم ماسكانىڭ ءجىبىن كەسىپ تە تاعىپ ءجۇر. ءتىپتى جاڭا تۋعان بالا بولسا، وندا ماتادان جاساۋعا بولادى. بۇل ءبىزدىڭ بالامىز، ءبىز ونى قورعاۋدىڭ جولىن تابۋىمىز كەرەك. ءوزىمىز قولدان جاساساق تا بولادى. مۇنى ءومىر باقي جاساپ كەلدىك قوي. ماسەلە تۋدىرۋدىڭ قاجەتى جوق»، - دەيدى سوي.
سونىمەن قاتار، بريفينگتە مينيستر بارلىق ۋاقىتتا قوعامدىق ورىنداردا بەتپەردە كيۋ كەرەك ەكەنىن ايتتى. بۇل ءتىپتى سپورتپەن اينالىساتىندارعا دا قاتىستى. ەستەرىڭىزگە سالا كەتەيىك، بۇگىندە قازاقستان ماسكالاردى مىندەتتى تۇردە كيۋ تۋرالى جارلىق شىعاردى.