قازاقستاندا كوروناۆيرۋستان جازىلعان پاتسيەنتتەر وڭالتۋ شارالارىنان وتەدى
«قازىر بىزدە ءبىرقاتار باعدارلاما ازىرلەنىپ جاتىر. تامىز ايىنىڭ باسىندا تاريفتەردى بەكىتىپ، اتالعان قىزمەتتى ىسكە قوسپاقپىز. ول بىرنەشە كەزەڭنەن تۇراتىن بولادى»، - دەدى الەكسەي سوي وكق- دا وتكەن باسپا ءسوز ءماسليحاتىندا.
ونىڭ ايتۋىنشا، باعدارلامانىڭ العاشقى كەزەڭى ەمحانا دەڭگەيىندە باستالادى.
«ەكىنشى كەزەڭ ستاتسيونار دەڭگەيىندە جۇرگىزىلەدى. ول جەردە پاتسيەنتتەر وڭالتۋ بويىنشا كومەك الا الادى»، - دەدى مينيستر.
مينيستر باعدارلاما مىندەتتى الەۋمەتتىك مەديتسينالىق ساقتاندىرۋ قورى ەسەبىنەن قارجىلاندىرىلاتىنىن جەتكىزدى.
«ول بويىنشا تولەم مىندەتتى الەۋمەتتىك مەديتسينالىق ساقتاندىرۋ قورىنان جۇرگىزىلەدى. ەڭ ماڭىزدىسى، اۋرۋدىڭ اۋىرلىق دارەجەسى بويىنشا ناقتى تالاپتارى، ياعني پاتسيەنتتەر وڭالتۋدىڭ قانداي ءتۇرىن الاتىنى ايقىندالدى. اۋرۋدى وتكەرۋ دەڭگەيىنە قاراي ناقتى وڭالتۋ باعدارلاماسى بەلگىلەنەدى»، - دەدى الەكسەي سوي.