+7 (701) 759 90 19
15 °С : نۇر-سۇلتان
24 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ەرالى توعجانوۆ: قازىر كەيبىر ۇستانىپ جۇرگەن داستۇرلەرىمىز بۇگىنگى قاۋىپكە قاراما- قايشى

30 شىلدە 18:47
:ءبولىسۋ
ەرالى توعجانوۆ: قازىر كەيبىر ۇستانىپ جۇرگەن داستۇرلەرىمىز بۇگىنگى قاۋىپكە قاراما- قايشى

نۇر- سۇلتان. قازاقپارات - ۇكىمەت باسشىسىنىڭ ورىنباسارى ەرالى توعجانوۆ حالىقتى تاعى دا كارانتين شارالارىن قاتاڭ ساقتاۋعا شاقىردى، دەپ حابارلايدى قازاقپارات ءتىلشىسى.

«كوروناۆيرۋس جاڭا شىندىقتى كورسەتتى دەسەم ارتىق ايتقانىم ەمەس. بۇل ءبىزدىڭ ۇلتىمىزعا عانا ەمەس، بۇكىل الەمگە قاتەر ءتوندىرىپ وتىرعان ۇلكەن قاۋىپ. عاسىرلار بويى ءبىزدىڭ حالقىمىز ەل باسىن قوساتىن كوپتەگەن ءداستۇردى ۇستانىپ كەلدى. توي- جيىندى، قۇدالىق سەكىلدى سالتتار بىزدە بۇرىننان بار. ءبىراق بۇگىنگى جاڭا سىن- قاتەرلەرگە بەيىمدەلۋىمىز كەرەك. اشىعىن ايتقاندا قازىر كەيبىر ۇستانىپ جۇرگەن داستۇرلەرىمىز بۇگىنگى قاۋىپكە قاراما- قايشى. ۋاقىتشا باس تارتا تۇرساق - حالىققا بۇل يگى بولارى ءسوزسىز» ، - دەدى ۇكىمەت باسشىسىنىڭ ورىنباسارى ەرالى توعجانوۆ و ك ق- دا وتكەن باسپا ءسوز ءماسليحاتىندا.

ەرالى توعجانوۆتىڭ ايتۋىنا قاراعاندا، اۋرۋدىڭ قاۋىپى تۋرالى بەس ايدان بەرى ايتىلىپ جاتىر.

«ءبىز بارىنشا قاتاڭ، بارىنشا ءتۇسىندىرىپ تە ايتىپ جاتىرمىز. تىيىم دا سالدىق. سوعان قاراماستان ءالى دە قاراپايىم ساقتىق نورمالارىن ەلەمەي وتىرمىز. وبلىستاردى ارالاپ شىعىپ، ول ماسەلەلەردى ايتقان ەدىم. قازىر اشىعىن ايتقاندا توقتاۋ كەرەك. ءى ءى م- ءنىڭ رەسمي دەرەكتەرىن كەلتىرە كەتسەم، 4,5 مىڭنان استام ءتۇرلى زاڭبۇزۋشىلىقتار انىقتالىپ وتىر. ونىڭ ىشىندە تويلار دا، قۇدالىقتار دا، تۋعان كۇندەر دە بار. تويعا دا بارامىز، قوناققا دا بارامىز. ءبىراق ونىڭ ءبارىن توقتاتۋ كەرەك»، - دەدى ول.

ەسكە سالا كەتسەك، كەشە مەملەكەت باسشىسى قاسىم- جومارت توقايەۆ ەپيدەميولوگيالىق احۋالدى تۇراقتاندىرۋ جونىندە كەڭەس وتكىزىپ، كارانتين شارالارىن ەكى اپتاعا ۇزارتۋدى تاپسىرعان بولاتىن. مەملەكەتتىك كوميسسيا وتىرىسىنىڭ قورىتىندىسى بويىنشا قازاقستاندا كارانتين شارالارى ەكى اپتاعا ۇزارتىلدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات