«س ق-فارماتسيا» باسشىلارى مەن قىزمەتكەرلەرى قانشا جالاقى الاتىنى بەلگىلى بولدى

الماتى. قازاقپارات – «س ق- فارماتسيا» ج ش س قىزمەتكەرلەرىنىڭ جالاقىسىن ايتتى.

كومپانيانىڭ باسپا ءسوز قىزمەتى رەداكسيا جولداعان ساۋالعا جاۋاپ رەتىندە شتات كەستەسىنە سايكەس شەگەرىمدەردى ەسەپتەمەگەندە كەلەسىدەي جالاقى قاراستىرىلعانىن حابارلادى:

مەنەدجەرلەر 200 مىڭ تەڭگەدەن؛

باس مەنەدجەر 350 مىڭ تەڭگەدەن؛

قىزمەتكەرلەردى اكىمشىلىك باسقارۋشى 450 مىڭ تەڭگەدەن؛

باسقارما مۇشەلەرىنىڭ، ونىڭ ىشىندە، باسقارما ءتوراعاسىنىڭ جالاقىسى 750000 تەڭگەدەن باستالادى.

«دامۋ جوسپارىن ناقتىلاۋعا سايكەس 2019 -جىلدىڭ ەكىنشى جارتىجىلدىعىندا شتات سانى بەس ادامعا كوبەيدى، جوسپارلانعان ەڭبەكاقى قورى ازايدى. بۇگىندە قارجىلىق ەسەپتە اۋديت جۇرگىزىلىپ جاتىر، ول اياقتالعاننان كەيىن مەملەكەتتىك مۇلىك پورتالىندا 2019 -جىلعا ارنالعان دامۋ جوسپارىنىڭ ورىندالۋى ەڭبەكاقى تولەۋگە جۇمسالعان ناقتى شىعىستار بويىنشا اقپارات ورنالاستىرىلادى»، - دەلىنگەن حابارلامادا.

1 -جىلدىڭ 2020 شىلدەسىندەگى جاعداي بويىنشا «س ق-فارماتسيا» شتاتىندا 150 قىزمەتكەر بار.

بارلىق قىزمەتكەر جوعارى ءبىلىمدى، ونىڭ 29 پايىزىندا ەكى نە ودان كوپ ءبىلىم بار. كومپانيامەن ەڭبەك قاتىناسىندا تۇرعان 123 قىزمەتكەردىڭ ىشىندە:

59 ادامنىڭ (48 پايىز) فارماتسيەۆتيكالىق، مەديتسينالىق ءبىلىمى بار؛

33 ادامنىڭ (27 پايىز) ەكونوميكالىق ءبىلىمى بار؛

11 ادامنىڭ (9 پايىز) تەحنيكالىق ءبىلىمى بار؛

18 ادامنىڭ (15 پايىز) زاڭ ءبىلىمى بار؛

2 ادامنىڭ (1 پايىز) قوعاممەن بايلانىس سالاسىندا ءبىلىمى بار.

Tengrinews.kz