16:35, 30 - شىلدە 2020 | GMT +6
دارىگەر كوروناۆيرۋستى قالاي توقتاتۋعا بولاتىنىن ايتتى
الماتى. قازاقپارات – ا ق ش-تىڭ كوروناۆيرۋسپەن كۇرەس جونىندەگى جۇمىس توبىنىڭ باس ساراپشىسى، ينفەكتسيونيست دارىگەر ەنتوني فاۋچي COVID-19-دى قالاي توقتاتۋعا بولاتىنىن ايتتى، - دەپ حابارلايدى Lenta.ru.
ماماننىڭ ايتۋىنشا، كوروناۆيرۋس ينفەكسياسىنىڭ تارالۋىن توقتاتۋ ءۇشىن ادامدار ۇنەمى ماسكا تاعىپ، قولدارىن ءجيى جۋىپ، 2 مەتر اراقاشىقتىقتى ساقتاۋى كەرەك. سونداي-اق، دارىگەر مەيرامحانا مەن ءدامحاناعا ءجيى بارماۋ كەرەگىن اتاپ ءوتتى.
ەنتوني فاۋچي ەلدەگى COVID-19 ۆيرۋسىنىڭ ءورشۋىن كارانتين تالابىنىڭ جەڭىلدەۋىمەن بايلانىستىرادى.
«ەگەر ءبىز قاتاڭ تالاپتى ساقتاماساق، ەلىمىز قيىن جاعدايدا قالۋى مۇمكىن»، - دەيدى ينفەكتسيونيست دارىگەر.
ايتا كەتەيىك، ا ق ش-تا كوروناۆيرۋس جۇقتىرعاندار سانى 4,39 ميلليونعا جەتتى. وتكەن تاۋلىكتە COVID-19 جۇقتىرۋدىڭ 60 مىڭعا جۋىق دەرەگى تىركەلدى.