ەرلان قارين جاڭا قىزمەتكە تاعايىندالدى

نۇر-سۇلتان. قازاقپارات - ەرلان قارين قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالىپ، ق ر پرەزيدەنتىنىڭ كەڭەسشىسى قىزمەتىنەن بوساتىلدى، دەپ حابارلايدى اقوردا.

«ەرلان تىنىمباي ۇلى قارين قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالسىن، ول قازاقستان رەسپۋبليكاسى پرەزيدەنتىنىڭ كەڭەسشىسى قىزمەتىنەن بوساتىلسىن»، - دەلىنگەن جارلىق ماتىنىندە.

ەرلان قارين 1976 -جىلى وڭتۇستىك قازاقستان وبلىسى، سايرام اۋدانى، اقسۋ اۋىلىندا تۋعان. 1997 -جىلى ك. جۇبانوۆ اتىنداعى اقتوبە مەملەكەتتىك ۋنيۆەرسيتەتىن، 1999 -جىلى ءال-فارابي اتىنداعى قازاق مەملەكەتتىك ۋنيۆەرسيتەتىن اسپيرانتۋراسىن بىتىرگەن.

ساياسي عىلىمدارىنىڭ كانديداتى. 1997-1998 -جىلدارى - اقتوبە قالاسىنىڭ №33-مەكتەبىندە گەوگرافيا جانە تاريح پاندەرىنىڭ مۇعالىمى.

1998-2000 -جىلدارى - قازاقستان دامۋ ينستيتۋتىندا ساياسي زەرتتەۋلەر ورتالىعىنىڭ قىزمەتكەرى، قىتاي جانە رەسەي ينستيتۋتى ديرەكتورىنىڭ ورىنباسارى. 2000-2002 -جىلدارى - ورتالىق ازيا ساياسي زەرتتەۋلەر اگەنتتىگىنىڭ ديرەكتورى. 2002-2003 -جىلدارى - قازاقستان رەسپۋبليكاسىنىڭ پرەمەر- ءمينيسترىنىڭ شتاتتان تىس كەڭەسشىسى.

2003-2004 -جىلدارى - رەسپۋبليكالىق «اسار» پارتياسى ءتوراعاسىنىڭ ءبىرىنشى ورىنباسارى، زاماناۋي ساياسات حالىقارالىق ينستيتۋتىنىڭ باس ديرەكتورى.

2004-2006 -جىلدارى - انتيتەرروريستىك باعدارلامالار ورتالىعىنىڭ باسشىسى.

2006-2008 -جىلدارى - ماڭعىستاۋ وبلىسى اكىمىنىڭ ساياسي ماسەلەلەر جونىندەگى كەڭەسشىسى.

2008 -جىلعى اقپان- قاراشا - قازاقستان رەسپۋبليكاسى پرەزيدەنتىنىڭ اكىمشىلىگى ىشكى ساياسات ءبولىمىنىڭ مەڭگەرۋشىسى.

2008-2013 -جىلدارى - «نۇر وتان» ح د پ- نىڭ ستراتەگيالىق دامۋ بويىنشا حاتشىسى. 2013-2014 -جىلدارى - ۆاشينگتون ۋنيۆەرسيتەتىنىڭ (ا ق ش) ارنايى شاقىرىلعان پروفەسسورى. 2014-2017 -جىلدارى - قازاقستان رەسپۋبليكاسى پرەزيدەنتىنىڭ جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى.

2017-2019 -جىلدارى - «قازاقستان» رەسپۋبليكالىق تەلەراديوكورپوراتسيا» اكتسيونەرلىك قوعامىنىڭ باسقارما ءتوراعاسى.

2019 -جىلدىڭ 5-ساۋىردەن 2020 -جىلدىڭ شىلدەسىنە دەيىن پرەزيدەنتىنىڭ كەڭەسشىسى بولعان.

«قۇرمەت» وردەنىمەن، «قازاقستان رەسپۋبليكاسىنىڭ قارۋلى كۇشتەرىنە 20 جىل»، «قازاقستان رەسپۋبليكاسىنىڭ پروكۋراتۋراسىنا 25 جىل»، قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنىڭ «ۇلتتىق قاۋىپسىزدىكتى قامتاماسىز ەتۋگە قوسقان ۇلەسى ءۇشىن» مەدالدارىمەن ماراپاتتالعان.