+7 (701) 759 90 19
21 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ق ر پرەزيدەنتى سوورونباي جەەنبەكوۆكە كوڭىل ايتۋ جەدەلحاتىن جولدادى

30 شىلدە 13:45
:ءبولىسۋ
ق ر پرەزيدەنتى سوورونباي جەەنبەكوۆكە كوڭىل ايتۋ جەدەلحاتىن جولدادى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ سوورونباي جەەنبەكوۆكە كوڭىل ايتۋ جەدەلحاتىن جولدادى.

بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدەگى پاراقشاسىندا جازدى. مەملەكەت باسشىسى قاسىم- جومارت توقايەۆ قىرعىز پرەزيدەنتى سوورونباي جەەنبەكوۆكە قىرعىزستاندا كوروناۆيرۋس پاندەمياسىنىڭ قۇرباندارىن ەسكە الۋ ءۇشىن ۇلتتىق ازا تۇتۋ كۇنى دەپ جاريالانۋىنا بايلانىستى كوڭىل ايتۋ جەدەلحاتىن جولدادى.

«قازاقستان حالقىنىڭ جانە جەكە ءوزىمنىڭ اتىمنان كوروناۆيرۋس پاندەمياسى سالدارىنان قايتىس بولعان باۋىرلاس قىرعىز ازاماتتارىن ۇلتتىق ازا تۇتۋ كۇنىندە قايعىلارىڭىزعا ورتاقتاسىپ، قولداۋ كورسەتۋدى ءجون سانادىم. وسىنداي قيىن- قىستاۋ كەزەڭدە مەزگىلسىز قايتىس بولعان ادامداردىڭ جاقىندارى مەن تۋىستارىنىڭ ورنى تولماس قايعىسىمەن بولىسەمىن، ال قازىرگى ۋاقىتتا اتى جامان ىندەتپەن كۇرەسىپ جاتقان ناۋقاستاردىڭ تەزىرەك ساۋىعىپ كەتۋىنە تىلەكتەستىك بىلدىرەمىن»، - دەلىنگەن جەدەلحاتتا.

قاسىم-جومارت توقايەۆ قابىلدانعان ناقتى شارالاردىڭ، قىرعىز حالقىنىڭ ىنتىماعى مەن بىرلىگى ەلدەگى ەپيدەميولوگيالىق احۋالدى تەز ارادا تۇراقتاندىرۋعا مۇمكىندىك بەرەتىنىنە سەنىم ءبىلدىردى. سونداي-اق قازاقستاننىڭ ءاردايىم باۋىرلاس قىرعىزستان حالقىنا قاجەتتى كومەك كورسەتۋگە جانە كوروناۆيرۋس ىندەتىنە قارسى بىرلەسىپ كۇرەسۋ ءۇشىن كۇش بىرىكتىرۋگە دايىن ەكەنىن جەتكىزدى.

ەسكە سالساق، بۇگىن - قىرعىزستاندا كوروناۆيرۋستان قايتىس بولعانداردى ۇلتتىق ازا تۇتۋ كۇنى. قىرعىزستاندا مىڭنان اسا ادام كوروناۆيرۋستان كوز جۇمدى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات