ا ق ش تۇرعىندارى اسپاندا مەتەور جارىلۋ ءساتىن تاماشالادى

كولورادو. قازاقپارات - مەتەور 29- شىلدە تۇنىندە كولورادو شتاتىنىڭ دجەففەرسون وكرۋگىندەگى گولدەن قالاسىنىڭ اسپانىندا جارىلدى.

بۇل تۋرالى قازاقپارات theknow.denverpost.com-عا سىلتەمە جاساپ حابارلايدى.

گولدەن اسپانىندا جارىلعان مەتەور ۆيدەوسى سەيسەنبى كۇنى كەشكە Reddit پەن Twitter- دە جاريالانعان.

كولورادو ۋنيۆەرسيتەتىندە پلانەتاريي ديرەكتورى دجون كەللەر بۇل ۇساق بولىكتەر - مەتەورلارعا ىدىراپ، اتموسفەرادا جارق ەتىپ جانعان مەتەوريت ەكەنىن ايتتى.

ونىڭ ايتۋىنشا، مەتەوريت قۇلاپ بارا جاتقان جاساندى جەرسەرىكتىڭ بولىگىنە اينالۋ ءۇشىن تىم جىلدام قوزعالعان. نىساننىڭ كۇن جۇيەسىنىڭ باسقا بولىگىنەن ءتۇسۋى دە ابدەن مۇمكىن. كەللەر بۇل نىسان «بوليد» - ياعني جارقىن مەتەور دەپ اتالاتىنىن ايتتى. ولاردىڭ جارىلۋى ءجيى بولىپ تۇرادى.

كەللەر جارق ەتكەن مەتەوردىڭ كولەمى ءبىر مەتردەن ءسال ازداۋ بولعان دەپ سانايدى. ەگەر بۇل نىسان جەرگە دەيىن جەتسە، ول مەتەوريت بولىپ سانالاتىن ەدى.