+7 (701) 759 90 19
20 °С : نۇر-سۇلتان
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قازاقستان مەن تاتارستان بىرلەسكەن وندىرىستەر قۇرۋ ماسەلەلەرىن تالقىلادى

30 شىلدە 11:11
:ءبولىسۋ
قازاقستان مەن تاتارستان بىرلەسكەن وندىرىستەر قۇرۋ ماسەلەلەرىن تالقىلادى

نۇر-سۇلتان. قازاقپارات - ق ر پرەمەر-ءمينيسترىنىڭ ورىنباسارى رومان سكليار تاتارستانعا جۇمىس ساپارىمەن باردى، دەپ حابارلايدى قازاقپارات primeminister.kz سايتىنا سىلتەمە جاساپ.

ساپار اياسىندا ق ر پرەمەر-ءمينيسترىنىڭ ورىنباسارى رومان سكليار نيجنەكامسك جانە نابەرەجنىە چەلنى قالالارىندا بولدى.

وندا قازاقستان رەسپۋبليكاسى مەن تاتارستان رەسپۋبليكاسى اراسىنداعى ونەركاسىپتىك كووپەراتسيا جانە ينۆەستيتسيالىق ىنتىماقتاستىق ماسەلەلەرى قارالدى. ساپار بارىسىندا رومان سكليار تاتارستان پرەمەر-ءمينيسترى الەكسەي پەسوشينمەن جانە «كاماز» ءو ا ق، «تاتنەفت» ءو ا ق، «نيجنەكامسكشينا» ءو ا ق ءىرى ونەركاسىپتىك جانە قالا قۇراۋشى كاسىپورىندارىنىڭ باسشىلارىمەن ەكىجاقتى كەزدەسۋلەر وتكىزدى.

قازاقستان ۇكىمەتى باسشىسىنىڭ ورىنباسارى وندىرىستىك قۋات كوزدەرىمەن تانىسىپ، اۆتوموبيل جاساۋ، مۇناي-حيميا ونەركاسىبى، سونداي-اق اۆتوموبيل جانە ونەركاسىپتىك شينالار ءوندىرىسى سالاسىندا بىرلەسكەن وندىرىستەر قۇرۋ جانە ينۆەستيتسيالىق جوبالاردى ىسكە اسىرۋ ماسەلەلەرىن تالقىلادى.

اتاپ ايتقاندا، «تاتنەفت» ءو ا ق مەن «الليۋر» كومپانيالار توبى» ا ق اراسىندا قازاقستان رەسپۋبليكاسىندا شينا ءوندىرىسىن ۇيىمداستىرۋ بويىنشا جول كارتاسىنا قول قويىلدى. جوبانى ىسكە اسىرۋ 1000 جۇمىس ورنىن قۇرۋعا جانە شينالارعا دەگەن ءوسىپ كەلە جاتقان سۇرانىستى قاناعاتتاندىرۋعا، ءوندىرىستى وقشاۋلاۋعا، كورشى ەلدەرگە ەكسپورتتىق الەۋەتتى دامىتۋعا مۇمكىندىك بەرەدى.

بۇل رەتتە وندىرىستىك قۋاتى جەڭىل تەحنيكا ءۇشىن 3 ميلليون شينانى قۇرايتىندىقتان، ۇلعايتۋ مۇمكىندىگىن 3,6 ميلليون شيناعا دەيىن ارتتىرۋعا بولادى. قازاقستاندىق تاراپ تىكەلەي شەتەلدىك ينۆەستيتسيالاردى تارتۋ، وتاندىق ونەركاسىپتى دامىتۋ جانە يمپورتتى الماستىرۋ ماسەلەلەرى ق ر ۇكىمەتى قىزمەتىنىڭ باسىم باعىتتارى بولىپ تابىلاتىنىن اتاپ ءوتتى.

ساپار قورىتىندىسى بويىنشا تاراپتار ەكىجاقتى ساۋدا-ەكونوميكالىق جانە ينۆەستيتسيالىق ىنتىماقتاستىق جوبالارىن ىسكە اسىرۋ جونىندەگى جۇمىستى جانداندىرۋعا كەلىستى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات